7. (இகணை > இந்திரன்) சங்க இலக்கியச் சொற்பிறப்பியல் - Tamil Etymological Dictionary - Part 7 - Ikanai to Inthiran

 

தமிழ்ச் சொல்	பொருள்	மேற்கோள்	பிறப்பியல்
இகணை	முரசு செய்யும் மரம்	அக. 131	இகு (=முரசறை, வீழ்த்து) + அண் (=தண்டு, மரம்) + ஐ = இகணை = முரசு அறைய வீழ்த்தப்படும் மரம்
இகல்	செருக்கு	கலி. 105	இகு (=தாழ், பணி) + அல் (=இன்மை) = இகல் = பணிவு இன்மை = செருக்கு
இகல்	ஒப்பு	திரு. 166	இகு (=பணி, ஒப்பு) + அல் = இகல்
இகல்	மாறுபாடு, பகை	பதி. 14, பதி. 60	இகு (=பணி, ஒப்பு) + அல் (=இன்மை) = இகல் = ஒப்பு இல்லாதது = மாறுபாடு, பகை
இகல்	ஒலி	நெடு. 116	இகு (=ஒலி) + அல் = இகல்
இகல்	மிகுதி	பட். 72	இகு (=திரள், மிகு) + அல் = இகல் = மிகுதி
இகல்	துரத்துகை	பதி. 75	இகு (=ஓட்டு, துரத்து) + அல் = இகல் = துரத்துகை
இகல்	பெருமை	பரி. 1	இகு (=தாழ்) + அல் (=இன்மை) = இகல் = தாழ்வற்றது
இகல்	போர்	குறி. 27	இகு (=திரள், கூடு, கொல்) + அல் = இகல் = கூடிக் கொல்லுதல் = போர்
இகல்	ஒழுகல்	கலி. 134	இகு (=சொரி, ஒழுகு) + அல் = இகல் = ஒழுகல்
இகல்	பிரிவு	நற். 180	இகு (=திரள், சேர்) + அல் (=இன்மை) = இகல் = சேர்ந்து இல்லாமை = பிரிவு
இகல்	ஓட்டம், விரைவு	கலி. 50	இகு (=ஓடு, விரை) + அல் = இகல் = ஓட்டம், விரைவு
இகல்	வெற்றி	பதி. 72	இகு (=வீழ்த்து, வெல்) + அல் = இகல் = வெற்றி
இகல்	போட்டி	அக. 97	இகு (=சேர், கல, வீழ்த்து) + அள் (=வலிமை) = இகள் >>> இகல் = வலிமையால் வீழ்த்த கலந்து கொள்வது
இகுப்பம்	பள்ளம்	மலை. 367	இகு (=தாழ்) + அம் = இகுவம் >>> இகுப்பம் = தாழ்வானது = பள்ளம்
இகுளை	தோழி	நற். 64	இகு (=சேர், கல) + உள் (=உள்ளம், மனம்) + ஐ = இகுளை = மனதோடு கலந்தவள் = தோழி, மனைவி
இச்சம்	இன்பம்	பரி. 7	இசை (=இனிமை, இன்பம்) + அம் = இச்சம் = இன்பம்
இசை	நீண்ட மெல்லொலி	முல். 8	இழை (=இழு, நீட்டு, மென்மையாகு, ஒலி) >>> இசை = மென்மையாக நீட்டி ஒலிப்பது
இசை	புகழ், பெருமை	திரு. 61	இழி (=தாழ்) + ஆய் (=நீங்கு) = இழாய் >>> இசாய் >>> இசை = தாழ்வு நீங்கியது = பெருமை, புகழ்
இசை	வரி	பட். 121	இழை (=விதி, திரட்டு, வசூலி) >>> இசை = விதித்து வசூலிக்கப் படுவது = வரி
இசை	விளைச்சல், இலாபம்	பதி. 50	இழை (=திரட்டு, பெருக்கு) >>> இசை = பெருக்கம், விளைச்சல், இலாபம்
இசை	அவமானம்	புற. 21	இழி + ஐ = இழை >>> இசை = இழிவு, அவமானம்
இஞ்சி	கிழங்கு வகை	மது. 289	உய் (=உண், எடு) + சீ (=சளி, போக்கு, கிளறு, தோண்டு) = உய்ச்சீ >>> இஞ்சி = சளியைப் போக்குகின்ற தோண்டி எடுக்கப்படும் உணவு
இஞ்சி	கோட்டை மதில், சுற்றுச் சுவர்	மலை. 92, அக. 195	ஊழ் (=பகை, மூடு, தடு) + சூழ் (=தாக்கு, சுற்று, கட்டு) = ஊழ்ச்சூழ் >>> உஞ்சு >>> இஞ்சி = பகைவரின் தாக்குதலைத் தடுக்கச் சுற்றிக் கட்டுவது
இட்டிகை	செங்கல்	அக. 167	இடு (=நிரப்பு, உண்டாக்கு, கட்டு) + இகம் (=நிலம், மண், பொருள்) + ஐ = இட்டிகை = மண்ணை நிரப்பி உண்டாக்கப்படும் கட்டுமானப் பொருள் = செங்கல்
இட்டு	சிறுமை	மது. 482	இறை (=அற்பம், சிறுமை) + உ = இற்று >>> இட்டு
இட்டு	சிதைவு	நற். 65	இடி (=சிதை) + உ = இட்டு = இடிபாடு, சிதைவு
இட்டு	பொடி, மாவு	பரி. 10	இறை (=அற்பம், பொடி) + உ = இற்று >>> இட்டு
இட்டு	பயணம்	அக. 128	இறை (=செல், பயணி) + உ = இற்று >>> இட்டு
இடங்கர்	முதலை	குறி. 257	இறை (=இருத்தல், நொடி, தாக்கல், மறைப்பு) + கார் (=நீர், கருமை) = இறைக்கார் >>> இடங்கர் = நீரில் மறைந்திருந்து நொடியில் தாக்குகின்ற கருநிறத்தது
இடம், இடன்	மார்பு, இடதுபக்கம்	அக. 52, அக. 127, பெரு. 462	இறை (=மார்பு) + அம் = இறம் >>> இடம் = மார்பு >>> இடது பக்கம்
இடம், இடன்	நிலம்	பொரு. 245, நற். 324	இறு (=தங்கு, நிலை) + அம் = இறம் >>> இடம் = நிலையானது = நிலம். ஒ.நோ: நில் + அம் = நிலம்
இடம், இடன்	சுட்டப்படுவது	மலை. 533, அக. 162	இடு (=குறி, சுட்டு) + அம் = இடம் = சுட்டப்படுவது
இடம்	வீடு	முல். 86	இறு (=தங்கு, கட்டு) + அம் = இறம் >>> இடம் = தங்குவதற்காகக் கட்டுவது = வீடு
இடம், இடன்	பொழுது	நற். 25, மது. 239	இறை (=பொழுது) + அம் = இறம் >>> இடம்
இடம்	அளவு	நற். 126	ஈறு (=எல்லை, அளவு) + அம் = இறம் >>> இடம்
இடம்	கொடை	பதி. 52	இடு (=கொடு) + அம் = இடம் = கொடை
இடம்	கீறல்	அக. 29	இட (=பிள, கீறு) + அம் = இடம் = கீறல்
இடம்	பங்கு	புற. 235	இட (=பிள, பகு) + அம் = இடம் = பகுத்தது = பங்கு
இடர்	துன்பம்	குறு. 400	இறு (=அழி, வருத்து) + அர் = இறர் >>> இடர் = வருத்தம், துன்பம்
இடன்	உயர்வு, மிகுதி, பெருமை	பொரு. 65	இறை (=உயர்வு) + அம் = இறம் >>> இடம் >>> இடன் = உயர்வு, பெருமை, மிகுதி
இடன்	கட்டு, பிணி	குறு. 265	இறு (=கட்டு) + அம் = இறம் >>> இடம் >>> இடன் = கட்டு, பிணி
இடன்	பிளவு, பிரிவு	கலி. 92	இட (=பிள, பிரி) + அம் = இடம் >>> இடன்
இடன்	பிறப்பு, தோற்றம்	அக. 160, நற். 182	உறு (=தொடங்கு, தோன்று) + அம் = உறம் >>> இடம் >>> இடன் = தோற்றம், பிறப்பு
இடன்	துன்பம்	புற. 126	இறு (=அழி, வருத்து) + அம் = இறம் >>> இடம் >>> இடன் = வருத்தம், துன்பம்
இடி	இடியோசை	திரு. 121	ஏறு (=இடியோசை) + இ = எறி >>> இடி
இடி	மாவு	மலை. 512	இறை (=அற்பம், பொடி) + இ = இறி >>> இடி = மாவு
இடி	ஒலி	அக. 309	எறி (=ஒலி) >>> இடி
இடிப்பு	துன்பம்	நற். 23	எறி (=அழி, வருத்து) + பு = எறிப்பு >>> இடிப்பு = வருத்தம், துன்பம்
இடுக்கண்	துன்பம், நோய்	மலை. 18	இறு (=அழி, வருத்து) + கண் (=கருது, உடல்) = இறுக்கண் >>> இடுக்கண் = கருத்தினை / உடலை வருத்துவது = துன்பம், நோய்
இடும்பை	நோய், துன்பம்	நற். 148	இறு (=அழி) + பை (=உடல் வலிமை) = இறுப்பை >>> இடும்பை = உடலின் வலிமையை அழிப்பது = நோய்
இடும்பை	வறுமை	புற. 169	இறு (=அழி, இல்லாகு) + பை (=பணம், பொருள்) = இறுப்பை >>> இடும்பை = பொருள் இல்லாமை
இடை	வழி	குறு. 153	இட (=பிள) + ஐ = இடை = பிளவு, வழி
இடை	இடம்	நற். 314	இடம் + ஐ = இடை
இடை	இடுப்பு	பதி. 79	இறை (=நடுவுநிலைமை, சிறுமை, வளை) >>> இடை = சிறுத்து வளைந்து நடுவில் உள்ளது = இடுப்பு
இடை	நடு	ஐங். 390	இறை (=நடுவுநிலைமை) >>> இடை = நடுவானது
இடை	கடமை	பெரு. 445	இறை (=கடமை) >>> இடை
இடை	போர்	மது. 349	இறு (=சேர், கூடு, அழி) + ஐ = இறை >>> இடை = கூடி அழித்தல் = போர்
இடை, இடையன்	ஆடு மாடு வளர்ப்போர்	நற். 266, அக. 94	ஏறு (=ஆடு, மாடு, வளர்) + ஐ = எறை >>> இடை = ஆடு மாடுகளை வளர்ப்பவர் = இடையர்
இடை	அழிவு, சிதைவு	குறு. 180	இறு (=அழி, சிதை) + ஐ = இறை >>> இடை
இடை	பொழுது	குறு. 335	இறை (=பொழுது) >>> இடை
இடை	உயரம், உச்சி	பரி. 21	இறை (=உயரம், உச்சி) >>> இடை
இடை	சொல்	கலி. 3	இறு (=சொல்) + ஐ = இறை >>> இடை
இடை	பிரிவு	கலி. 10	இட (=பிள, பிரி) + ஐ = இடை = பிரிவு
இடை	முடிவு	கலி. 24	இறு (=முடி) + ஐ = இறை >>> இடை = முடிவு
இடை	வெளி	கலி. 55	இற (=இல்லாகு) + ஐ = இறை >>> இடை = இன்மை
இடை	காளை	கலி. 105	ஏறு (=காளை) + ஐ = எறை >>> இடை
இடை	உணவு	அக. 271	உறை (=உணவு) >>> இடை
இடை	கை	அக. 286	இறை (=கை) >>> இடை
இடை	உண்மை	அக. 303	இடு (=ஏற்றிச்சொல், நீக்கு) + ஐ = இடை = ஏற்றிச் சொல்வது நீக்கப்பட்டது = உண்மை
இடை	தடை	புற. 54	இறை (=மறைப்பு, தடுப்பு) >>> இடை = தடை
இடை	பிணம்	புற. 245	இற (=சாவு) + ஐ = இறை = செத்தது = பிணம்
இடை	தாழ்வாரம்	புற. 332	இறை (=தாழ்வாரம்) >>> இடை
இடைகழி	நில எல்லை	புற. 175	இடை (=இடம், நிலம்) + கழி (=முடி) = இடைகழி = நிலத்தின் முடிவு
இணர்	பூ	திரு. 28	இன் (=இனிமை) + ஆர் (=காம்பு, பொருந்து, உண்) = இனார் >>> இணர் = இனிய உணவுடன் காம்பில் பொருந்தியது = மலர்
இணர்	கொத்து	பட். 18	இணை (=சேர்) + அர் = இணர் = சேர்ந்தது = கொத்து
இணர்	பூங்கொத்து	குறி. 69	இணர் (=பூ, கொத்து) >>> இணர் = பூங்கொத்து
இணர்	மனம், உள்ளம்	நற். 118	உணர் (=கருது) >>> இணர் = கருதுவது = மனம், நெஞ்சம், உள்ளம்
இதக்கை	காயின் மேல் உறை	அக. 365	இறை (=உச்சி, மேல், நடு, உறை, பொருந்து) + காய் = இறைக்காய் >>> இதக்கை = காயின் மேலே நடுவில் பொருந்தி இருக்கும் உறை.
இதணம்	காவல் பரண்	நற். 216	இறை (=மேல், தங்கல், காவல்) + அணை (=மரம், கட்டு, இடம்) + அம் = இறணம் >>> இதணம் = இடத்தைக் காவல்செய்ய மேலே மரத்தால் கட்டும் தங்குமிடம்
இதல்	குருவி	புற. 319	உந்தி (=உயரம், பறவை) + அல் (=இன்மை) = உந்தல் >>> இதல் = உயரத்தில் பறக்கின்ற உயரம் இல்லாத பறவை
இதழ்	மலர், மலரேடு	பொரு. 27, பெரு. 114	ஈ (=தேனீ, கொடு) + தாழ் (=ஒலி, வணங்கு, விரும்பு, படி) = ஈதாழ் >>> இதழ் = ஒலித்து வணங்கிப் படியும் தேனீக்களுக்கு விரும்பியதைக் கொடுப்பது = மலர் >>> மலரின் மெல்லிய ஏடு
இதழ்	கண்ணிமை	நெடு. 164	இறை (=கண், காவல்) + ஆழ் (=புதை, மறை) = இறாழ் >>> இதழ் = கண்ணைக் காத்து மறைப்பது
இதழ்	காட்சி, உருவம்	ஐங். 334	இறை (=கண்) + ஏழ் (=தோன்று) = இறேழ் >>> இதழ் = கண்ணுக்குத் தோன்றுவது = காட்சி, உருவம்
இதழ்	உதடு	பரி. 20	இறை (=கூட்டம், சொல், காவல்) + ஆழ் (=புதை, மறை) = இறாழ் >>> இதழ் = சொல்லைக் காத்து மறைக்க கூட்டப் படுவது = உதடு
இதழ்	இலை	அக. 37	இறை (=மரம்) + ஏழ் (=தோன்று, மிகு) = இறேழ் >>> இதழ் = மரத்தில் மிகுதியாகத் தோன்றுவது = இலை
இதன்	அறிவு	புற. 381	இறை (=விடை, அறிவு) + அம் = இறம் >>> இதம் >>> இதன் = அறிவு
இதன்	இதயம்	குறு. 263	இறை (=நெஞ்சு, இதயம்) + அம் = இறம் >>> இதம் >>> இதன் = இதயம், நெஞ்சம்
இதை	கப்பல் பாய்	மது. 376	உறை (=துணி, நீளம், உயரம், பெருமை, மிகு) = இதை = நீளமும் உயரமும் மிக்க பெரிய துணி = கப்பல் பாய்
இதை	உழப்படாத நிலம்	அக. 140	உறை (=இறுகு, இடம்) >>> இதை = இறுகிய இடம் = உழப்படாத நிலம்
இந்திரன்	மேகம்	பரி. 8	ஈ (=படை) + திரை (=கடல், அலை, மித, திரள்) + அன் = இந்திரன் = கடலால் படைக்கப்பட்டு மிதந்து அலைந்து திரளக் கூடியது = மேகம்
இந்திரன்	சூரியன்	பரி. 24	ஈ (=படை) + திரு (=ஒளி) + அன் = இந்திரன் = ஒளியைப் படைப்பவன் = சூரியன்