8. (இப்பி > இரை) சங்க இலக்கியச் சொற்பிறப்பியல் - Tamil Etymological Dictionary - Part 8 - Ippi to Irai

 

தமிழ்ச் சொல்	பொருள்	மேற்கோள்	பிறப்பியல்
இப்பி	சிப்பி	நற். 87	இமை (=ஒளிர், கண்ணிமை) + ஈ (=பகு, ஒப்பு, படை) = இம்மீ >>> இப்பி = ஒளிரும் கண்ணிமையைப் போல பகுப்புக்களைக் கொண்ட படைப்பு = சிப்பி
இம்பர்	இவ்விடம்	புற. 287	இவ் (=இந்த) + ஆர் (=இடம்) = இவ்வார் >>> இம்பர் = இந்த இடம்
இம்மை	இப்பிறவி	புற. 134	இ (=இந்த) + மை (=பிறவி) = இம்மை = இப்பிறவி
இமயம், இமையம்	இந்தியாவின் வடக்கில் உள்ள பெரிய மலை	நற். 356, புற. 369	ஏ (=மேல்நோக்குகை, அடுக்கு, பெருக்கம்) + ஆய் (=பொன்) + அம் (=ஒளி, அழகு) = எவாயம் >>> இமயம் = பொன்னழகு ஒளிரும் மேல்நோக்கிய அடுக்கினைக் கொண்ட பெரிய இடம்
இமில்	காளையின் திமில்	கலி. 102	இவர் / இவ (=ஓடு, பாய், செறி) + ஏல் (=அடக்கு, பற்று) = இவேல் >>> இமில் = ஓடுவதை அடக்குவதற்காக பாய்ந்து பற்றப்படும் செறிவுடையது = காளையின் திமில்
இமை	அஞ்சனத்தால் எழுதப்படுவது	கலி. 70	ஈ (=எழுது, படை) + மை (=அஞ்சனம்) = இமை = அஞ்சனத்தால் எழுதிப் படைக்கப்படுவது
இமை	இரவு	குறு. 285	ஏமம் (=இரவு) + ஐ = எமை >>> இமை
இயம், இயன்	இசைக்கருவி	சிறு. 125, கலி. 36	ஈ (=படை) + அம் (=இனிமை, ஒலி) = இயம் = இனிய ஒலியைப் படைப்பது = இசைக்கருவி
இயம்	வயல்	குறி. 99	ஈ (=கீறு, உண்டாக்கு) + அம் (=உணவு, இடம்) = இயம் = உணவை உண்டாக்கக் கீறப்படும் இடம் = வயல்
இயம்	மேல்நோக்கிய வளைவு	ஐங். 377	ஏ (=மேல்நோக்குகை) + அம் (=வளைவு) = எயம் >>> இயம் = மேல்நோக்கிய வளைவு
இயக்கம்	அசைவு	நற். 44	இயங்கு (=அசை) + அம் = இயங்கம் >>> இயக்கம் = அசைவு
இயக்கம், இயக்கு	ஓசை	கலி. 41, அக. 100	இயக்கு (=ஒலி) + அம் = இயக்கம்
இயக்கம்	பயண ஓசை	அக. 351	இயக்கு (=பயணம், ஒலி) + அம் = இயக்கம் = பயண ஓசை
இயக்கு	பயணம்	நற். 79	இயங்கு (=செல், பயணி) >>> இயக்கு = பயணம்
இயங்கல்	பயணம்	நற். 47	இயங்கு (=செல், பயணி) + அல் = இயங்கல் = பயணம்
இயல்	நடை, பயணம்	நெடு. 98, பரி. 9	எழு (=செல், நட) + அல் = எழல் >>> இயல் = நடை, பயணம்
இயல்	அழகு, ஒளி, நிறம்	குறி. 126, அக. 142, அக. 324	ஈ (=அழி) + அல் (=இருள்) = இயல் = இருளை அழிப்பது = ஒளி >>> அழகு
இயல்	இயற்கை, தன்மை	மது. 774, குறு. 229	இழை (=செய்) + அல் (=எதிர்மறை) = இழல் >>> இயல் = செய்யப் படாதது = இயற்கை >>> தன்மை
இயல்	தோற்றம், ஆக்கம்	பட். 149, நற். 192	எழு (=தோன்று, ஆகு) + அல் = எழல் >>> இயல் = தோற்றம், ஆக்கம்
இயல்	பொருத்தம், ஒப்பு	நற். 90, குறு. 189	இயை (=பொருந்து) + அல் = இயல் = பொருத்தம், ஒப்பு
இயல்	உடல்	நற். 20	உய் (=உயிர்வாழ்) + அல் = உயல் >>> இயல் = உயிர் வாழ்வது = உடல்
இயல்	பெருமை, மிகுதி	பதி. 24	எழு (=மிகு) + அல் = எழல் >>> இயல் = மிகுதி, பெருமை
இயல்	மாதம்	பதி. 74	ஊழ் (=ஒளி, சிந்து) + அல் (=இரவு) = உழல் >>> இயல் = இரவில் ஒளி சிந்துபவன் = சந்திரன் >>> மாதம்
இயல்	அறிவு	பரி. 3	உய் (=அறிவி) + அல் = உயல் >>> இயல் = அறிவு
இயல்	வகை, பிரிவு	பரி. 20	ஈ (=வகு, பிரி) + அல் = இயல் = பிரிவு, வகை
இயல்	செயல்	அக. 182	இழை (=செய்) + அல் = இழல் >>> இயல் = செயல்
இயல்	கொடை	அக. 208	ஈ (=கொடு) + அல் = இயல் = கொடை
இயல்	வீடு	புற. 229	இழை (=கூடு, பொருந்து, தங்கு, கட்டு) + அல் = இழல் >>> இயல் = கூடித் தங்குவதற்காகக் கட்டப்படுவது = வீடு
இயல்	முறை, விதி	அக. 262	இழை (=விதி) + அல் = இழல் >>> இயல் = விதி, முறை
இயல்பு	அறிவு	பரி. 9	இயல் (=அறிவு) + பு = இயல்பு
இயல்பு	தன்மை	அக. 65	இயல் (=தன்மை) + பு = இயல்பு
இயல்பு	கொடை	புற. 302	இயல் (=கொடை) + பு = இயல்பு
இயல்பு	உடல்	திரு. 136	இயல் (=உடல்) + பு = இயல்பு
இயல்பு	வீடு	திரு. 177	இயல் (=வீடு) + பு = இயல்பு
இயல்பு	முறை	மலை. 537	இயல் (=முறை) + பு = இயல்பு
இயவர், இயவன்	இசைக்கருவி ஒலிப்பவர்	மது. 304, அக. 356	இயம் (=இசைக்கருவி) + ஆர் (=ஒலி) = இயவார் >>> இயவர் = இசைக்கருவிகளை ஒலிப்பவர்
இயவர்	பகைவர்	பதி. 78	இயைவு (=ஒப்பு, உடன்பாடு) + ஆ (=எதிர்மறை) + ஆர் = இயைவார் >>> இயவர் = உடன்பாடு இல்லாதவர் = எதிரி
இயவு	இடம்	அக. 374	உழை (=இடம்) + வு = உழைவு = இயவு
இயவு	வழி	அக. 218	இழை (=பிரி, செல், நீள், அமை) + வு = இழைவு >>> இயவு = செல்வதற்காக நீளமாய் அமைந்தது = வழி
இயவு	பயணம்	மலை. 323	இழை (=பிரி, செல்) + வு = இழைவு >>> இயவு = செல்லுதல்
இயவுள்	கடவுள்	திரு. 274	(1) ஈ (=படை) + அவை (=இடம், உலகம், உயிர்க்கூட்டம்) + உள் = இயவுள் = உலகையும் உயிர்க் கூட்டத்தையும் படைத்தவன். (2) இய (=கட) + உள் (=உள்ளம்) = இயவுள் = உள்ளத்தைக் கடந்தவன். ஒ.நோ: கட + உள் (=உள்ளம்) = கடவுள் = உள்ளத்தைக் கடந்தவன்.
இயவுள்	தலைமை	அக. 29	ஈ (=கொடு, இடு) + அம் (=கட்டளை) + உள் = இயமுள் >>> இயவுள் = கட்டளை இடுவது = தலைமை
இயற்கை	தன்மை	புற. 2	இயல் (=தன்மை) + கை = இயற்கை
இயைபு	நிலை	அக. 297	இயை (=பொருந்து, நில்) + பு = இயைபு = நிலை
இயைபு	பொருத்தம்	கலி. 123	இயை (=பொருந்து) + பு = இயைபு = பொருத்தம்
இரவு, இரா, இர	இருள் மிக்க பொழுது	ஐங். 172, குறு. 145, அக. 160	இருமை (=கருமை) + அமை (=நிறை, பொழுது) + உ = இரமு >>> இரவு >>> இரா >>> இர = கருமை நிறைந்த பொழுது.
இரக்கம்	கடந்ததை நினைந்துருகல்	புற. 243	ஈரம் (=நீர்ப்பற்று, நினைவு) + ஆகம் (=கண்) = இராகம் >>> இரக்கம் = கண்ணில் ஈரத்தை உண்டாக்கும் நினைவு
இரங்கல்	பேரொலி	பதி. 31	இருமை (=பெருமை) + அகவு / அக (=ஒலி) + அல் = இரகல் >>> இரங்கல் = பேரொலி
இரண்டு	ஒன்றை அடுத்த எண்	பரி. 3	ஈர் (=கீறு, பிள) + அண்டு (=அடை) = இரண்டு = பிளப்பதால் அடைவது..
இரண்டு	பொய்	குறு. 312	இறை (=மறைப்பு, சொல்) + அண்டு (=அடை, பொருந்து) = இறண்டு >>> இரண்டு = மறைப்பு பொருந்திய சொல்
இரத்தல்	பிச்சை எடுத்தல்	புற. 154	இறை (=வணங்கு, கை, நிறை, சொல்) + தல் = இறைத்தல் >>> இரத்தல் = கைகளை நிறைக்குமாறு வணங்கிச் சொல்லுதல்
இரதி	பேரழகி	பரி. 19	ஏர் (=அழகு, மிகுதி) + அத்து (=பொருந்து) + இ = எரத்தி >>> இரதி = மிக்க அழகு பொருந்தியவள்
இரலை	மான் வகை	முல் 99	(1) உரு (=மான், தண்டு, கொம்பு) + அலை (=திரி) = உரலை >>> இரலை = திரிந்த கொம்புடைய மான். (2) உரு (=மான், நிறம்) + அல் (=இருள்) + ஐ = உரலை >>> இரலை = கருநிற மான்
இரவு	பிச்சை	குறு. 283	இறை (=வணங்கு, கை, நிறை, சொல்) + பு = இறைபு >>> இரவு = கைகளை நிறைக்குமாறு வணங்கிச் சொல்லுதல்
இரவல்	பிச்சை	புற. 328	இரவு (=பிச்சை) + அல் = இரவல்
இரவல்	வயல்	பதி. 59	ஈர் (=பசுமை, ஈரம்) + அவல் (=பள்ளம்) = இரவல் = ஈரமும் பசுமையும் உடைய பள்ளம் = வயல்
இரவலன், இரவலர்	பிச்சைக்காரர்	புற. 180, பதி. 54	இரவல் (=பிச்சை) + அன் / அர் = இரவலன் / இரவலர் = பிச்சை எடுப்போர்
இரியல்	ஓட்டம்	பெரு. 202	இரி (=ஓடு) + அல் = இரியல் = ஓட்டம்
இரியல்	பயணம்	பெரு. 432	இரி (=செல், பயணி) + அல் = இரியல் = பயணம்
இரியல்	பெருங்கொடை	புற. 135	இருமை (=பெருமை) + இயல் (=கொடை) = இரியல் = பெருங்கொடை
இரிவு	அச்சம்	கலி. 92	இரி (=அஞ்சு) + பு = இரிபு >>> இரிவு = அச்சம்
இருக்கை	ஊர், ஆசனம்	பொரு. 169, பதி. 42	இரு (=தங்கு, அமர்) + கை = இருக்கை = தங்குவது / அமர்வது = ஊர், ஆசனம்
இருக்கை	கட்டு, பிணி	பொரு. 15	இறுக்கு (=கட்டு) + ஐ = இறுக்கை >>> இருக்கை = கட்டு
இருக்கை	நிலை	நற். 181	இரு (=தங்கு, நில்) + கை = இருக்கை = நிலை
இருக்கை	கொடை	நற். 381	இறு (=கொடு) + கை = இறுக்கை >>> இருக்கை = கொடை
இருப்பு	ஊர், தங்கல்	மது. 143, பொரு. 39	இரு (=தங்கு) + பு = இருப்பு = தங்குவது, தங்கல்
இருப்பு, இரும்பு	வலுவான உலோகம்	புற. 369, பெரு. 91	(1) இருமை (=கருமை) + பூ (=பொன்) = இருப்பூ >>> இருப்பு >>> இரும்பு = கரும்பொன். (2) எறி (=அடி, நுகர்வி) + பூ (=தீ, உண்டாக்கு) = எறிப்பூ >>> இருப்பு >>> இரும்பு = தீயை நுகர்வித்து அடித்து உண்டாக்கப்படுவது
இருப்பை	இனிப்பான பூ	நற். 279	இலை (=பூ) + உப்பு (=இனிப்பு) + ஐ = இலுப்பை >>> இருப்பை = இனிப்புடைய பூ
இருவி, இருவை	உணவு முளைத் தண்டு	குறு. 133, ஐங். 286	உரு (=உணவு, முளை, தண்டு) + இ = உருவி >>> இருவி = உணவு முளைக்கும் தண்டு
இருள்	ஒளி நீங்கியது	திரு. 91	இரி (=நீங்கு) + ஒள் (=ஒளி) = இரொள் >>> இருள் = ஒளி நீங்கியது.
இருள்	அறியாமை	பெரு. 445	இரி (=நீங்கு) + உள் (=உள்ளம், அறிவு) = இருள் = அறிவு நீங்கியது = அறியாமை
இருள்	மேகம்	நற். 270	ஈர் (=நீர், இழு) + உள் (=எழுச்சி) = இருள் = நீரை இழுத்து எழுவது = மேகம்
இருள்	யானை	புற. 126	இருமை (=கருமை, பெருமை) + உள் (=எழுச்சி) = இருள் = கருப்பு நிறத்தில் பெரிதாக எழுச்சி உடையது = யானை
இரை	உணவு	நற். 123	ஈர் (=உண்) + ஐ = இரை = உணவு
இரை	பெருமை	புற. 371	இருமை (=பெருமை) + ஐ = இரை