வண்ணத்துப்பூச்சி - வகைகளும் பெயர்களும்

முன்னுரை:

சங்ககாலத்தில் வாழ்ந்த தமிழ்ப் புலவர்கள் பலரும் இயற்கையை உற்றுநோக்கி அவர்தம் காலத்தில் வாழ்ந்த தாவரங்கள் மற்றும் விலங்குகளைப் பற்றிய பல செய்திகளை இலக்கியப் பாடல்களின் வழியாகப் பதிவுசெய்தனர் என்பதை முன்னர் பல கட்டுரைகளின் வழியாகக் கண்டோம். சங்கத் தமிழ்ப் புலவர்கள் எத்தனையோ பறவைகளைப் பற்றியும் இலக்கியங்களில் கூறியிருக்கும் நிலையில் ஒருபாடலில் கூட வண்ணத்துப் பூச்சியைப் பற்றிக் கூறாதது பெரும் வியப்பைத் தருவதாக இருக்கிறது.

இன்னதென்று வரையறுக்க முடியாத பல வண்ணக் கலவைகளில் அமைந்த சிறகுகளை ஓசையில்லாமல் அடித்துக்கொண்டு அழகாகப் பறந்து திரிந்து பூக்களில் இருந்து தேன் உண்ணும் இந்த பட்டாம்பூச்சிகளைப் பற்றிச் சங்க இலக்கியம் பேசவில்லை என்னும் நிலையில் இந்தியாவில் ஏறத்தாழ 300 க்கும் மேற்பட்ட பட்டாம்பூச்சி இனங்கள் கண்டறியப்பட்டு இருப்பது தெரிய வந்துள்ளது. இவ் இனங்கள் அனைத்திற்கும் தமிழில் பெயர் சூட்டுவதைப் பற்றியும் பட்டாம்பூச்சிகளுக்கும் இளம்பெண்களுக்கும் இருக்கும் தொடர்பினைப் பற்றியும் இக்கட்டுரையில் விளக்கமாகக் காணலாம்.

பட்டாம்பூச்சியும் இளம்பெண்களும்:

பட்டாம்பூச்சிகளுக்கும் இளம்பெண்களுக்கும் என்ன ஒற்றுமை? என்று யாரேனும் கேள்வி கேட்டால் இருவருமே அழகானவர்கள் என்பதுதான் ஒரே விடையாக இருக்கும். ஆனால் இதைத் தாண்டியும் ஒரு ஒற்றுமை இருக்கிறது.

சங்ககாலத்தில் பெண்கள் தமது கண்ணிமைகளுக்குப் பல வண்ணங்களில் மை பூசியும் புள்ளிகள், கோடுகள் போன்றவற்றை வரைந்தும் அழகுசெய்தனர் என்று முன்னர் பல கட்டுரைகளில் கண்டோம். இமைகளில் மட்டுமின்றி புருவங்களின் மேல்பகுதியாகிய அல்குலின் மீதும் இவ்வாறு பல வண்ணங்களில் பூக்களைப் போல வரைந்து அழகுசெய்தனர் என்று கண்டோம். இப்படிப் பல வண்ணக் கலவைகளால் பூசி அழகு செய்யப்பட்ட இமைகளை இமைத்து இமைத்து அவர்கள் பார்க்கும்போது பூக்களின்மேல் அமர்ந்தவாறு வண்ணத்துப் பூச்சிகள் படபடவென சிறகடித்துப் பறப்பதைப் போலத் தானே தோன்றும். இந்த ஒப்புமையை அடிப்படையாகக் கொண்டு பட்டாம்பூச்சிகளுக்குப் புதிய பெயர் வைக்கலாம்.

பட்டாம்பூச்சிகளின் புதுப்பெயர்கள்:

பெண்கள் தமது இமைகள் மற்றும் புருவ மேல்பகுதிகளில் வரைந்து கொள்ளும் வண்ணப் புள்ளிகளைத் தித்தி என்றும் திதலை என்றும் சங்க இலக்கியங்கள் பல பாடல்களில் கூறியுள்ளன. இப் பெயர்களை அடிப்படையாகக் கொண்டு பட்டாம்பூச்சிகளுக்குப் புதிய பெயர்களைக் கீழ்க்கண்டவாறு படைக்கலாம்.

தித்தி >>> தித்தினி

திதலை >>> திதலி

பட்டாம்பூச்சி, வண்ணத்துப்பூச்சி போன்ற நீளமான பெயர்களுக்குப் பதிலாக, திதலி, தித்தினி ஆகிய பெயர்களையும் இனி பயன்படுத்தலாம். இந்தி மற்றும் பஞ்சாபி மொழிகளிலும் பட்டாம்பூச்சிகளைத் திதலீ என்று அழைப்பது இங்கே குறிப்பிடத் தக்கதாகும்.

இந்தியமொழிகளில் பட்டாம்பூச்சியின் பெயர்கள்:

இந்தியாவில் பேசப்படும் பல்வேறு மொழிகளில் பட்டாம்பூச்சிகளுக்கான பெயர்கள் என்னென்ன என்று கீழே காணலாம்.

மலையாளம் – சித்ரசலபம், பூம்பட்ட, பூம்பாலா, சபலவியக்தி

தெலுங்கு – ஆகுசிலகா, சீதாகோகசிலகா, சிலகா

கன்னடம் – சிட்டெ

இந்தி – திதலீ

மராத்தி – பூலபாக்கரூ

குசராத்தி – பூதும், பறவானோ, பதங்கியும்

வங்காளம் – பிரசாபதி

பஞ்சாபி – திதலீ

ஒடியா - பிரசாபதி

சமற்கிருதம் – சித்ரபதங்கா

பட்டாம்பூச்சி வகைகளும் பெயர்சூட்டலும்:

பட்டாம்பூச்சிகளுக்குத் தமிழில் திதலி என்றும் தித்தினி என்றும் பொதுப்பெயர் சூட்டலாம் என்று மேலே கண்டோம். இனி, திதலிகளின் 300 க்கும் மேற்பட்ட வகைகளுக்கும் தனித்தனியே எவ்வாறு தமிழ்ப்பெயர்களைச் சூட்டலாம் என்று இங்கே காணலாம்.

திதலிகளின் உடலமைப்பினைப் பற்றிக் கூறுமிடத்து, அதன் சிறகுகளில்தான் மிக அதிகமான வேறுபாடுகள் கண்டறியப்பட்டுள்ளன. பலவகையான வண்ணங்கள், வேலைப்பாடுகள் மற்றும் சிறப்புக் கூறுகளைக் காணமுடிகிறது. இவைதவிர, சிலவகைத் திதலிகளின் உடல் நிறமும் அவற்றின் சிறப்புக் கூறாக அமைந்து விடுகிறது.

திதலி இனங்களுக்குப் பெயர் சூட்டும்போது மேற்கண்ட அனைத்தும் கருத்தில் கொள்ளப்பட்டுள்ளன. திதலிகளின் பெயர்ப் பட்டியலில் பயன்படுத்தப் பட்டுள்ள சுருக்கச் சொற்களுக்கான விளக்கங்களைக் கீழே காணலாம்.

சுருக்கப் பெயர் விளக்கங்கள்:

கருஞ்சி / கார்சி – கருநிறச் சிறகினை உடையது

பழுசி – பழுப்புநிறச் சிறகினை உடையது

வெண்சி / பால்சி – வெண்நிறச் சிறகினை உடையது

பைஞ்சி – பச்சைநிறச் சிறகினை உடையது

நீல்சி – நீலநிறச் சிறகினை உடையது

தேன்சி – தேன்நிறச் சிறகினை உடையது

கபிசி – கபிலநிறச் சிறகினை உடையது

செஞ்சி – செந்நிறச் சிறகினை உடையது

மஞ்சி – மஞ்சள்நிறச் சிறகினை உடையது

ஒண்சி / ஒளிசி – செம்மஞ்சள் (ஆரஞ்சு) நிறச் சிறகினை உடையது

குருசி – பல வண்ணக் கலப்புடைய சிறகினைக் கொண்டது

கோசி – இலைக்கோசு போன்ற சிறகினைக் கொண்டது.

வன்சி - அடர்ந்தநிறச் சிறகினை உடையது

மென்சி - வெளுத்தநிறச் சிறகினை உடையது

கண்சி – கண்போன்ற அமைப்புக்களைக் கொண்ட சிறகினை உடையது

கூர்ச்சி – சிறகின் பின்புறத்தில் கூரிய அமைப்புக்களைக் கொண்டது

பெருஞ்சி / இருஞ்சி – பெரிய சிறகினைக் கொண்டது

குறுஞ்சி – சிறிய சிறகினைக் கொண்டது

அஞ்சி – அழகிய சிறகினைக் கொண்டது

வரிச்சி – பலவரிகளைக் கொண்ட சிறகினைக் கொண்டது

புகர்சி – பல புள்ளிகளைக் கொண்ட சிறகினை உடையது

அறுசி – அறுந்ததைப் போன்ற சிறகினைக் கொண்டது

புன்சி – அழகற்ற சிறகினைக் கொண்டது

வரைசி – வரையப்பட்டதைப் போன்ற சிறகினைக் கொண்டது

சூர்சி – பேய்போல அச்சம் தரும் சிறகினைக் கொண்டது

மழுசி / வாள்சி – மழு/வாள் போன்ற அமைப்புடைய சிறகினைக் கொண்டது

திதலிகளின் பெயர்ப் பட்டியல்:

வ.எண்	ஆங்கிலப் பெயர்	தமிழ்ப்பெயர்
1	common rose	செவ்வுடல் கருஞ்சி
2	crimson rose	சேயுடல் கருஞ்சி
3	malabar rose	செம்மேனி கருஞ்சி
4	common bluebottle	இருவெண் பழுசி
5	common jay	பால்பொறி பழுசி
6	tailed jay	பைம்பொறி கபிசி
7	spot swordtail	வெள்வரிக் கூர்வாலி
8	fivebar swordtail	பைவரிக் கூர்வாலி
9	common mime	சிதர்வரி கருஞ்சி
10	lime	உடுச்சிறை
11	malabar banded swallowtail	வெண்பொறி மழுவாலி
12	malabar raven	வெள்வரை கபிசி
13	red helen	செம்பொறி மழுவாலி
14	paris peacock	செங்கண் மழுவாலி
15	blue mormon	கரும்புகர் கருஞ்சி
16	malabar banded peacock	தோகை மழுவாலி
17	common mormon	சுறவாய் கருஞ்சி
18	common banded peacock	வெண்படு பைஞ்சி
19	common jezebel	செவ்வரை ஒண்சி
20	common emigrant	பழுக்கறை மஞ்சி
21	mottled emigrant	இலைவரி பைஞ்சி
22	small grass yellow	பைவரி மஞ்சி
23	spotless grass yellow	ஒள்வரி பைஞ்சி
24	onespot grass yellow	பழுப்புகர் மஞ்சி
25	common grass yellow	பசும்புல் மஞ்சி
26	three spot grass yellow	பல்புகர் மஞ்சி
27	nilgiri clouded yellow	ஒருகறை பைஞ்சி
28	psyche	பாசிறை வெண்சி
29	painted saw tooth	செவ்வரை குருசி
30	indian cabbage white	பாசிலை கோசி
31	common gull	பைவரி கருஞ்சி
32	lesser gull	வெள்ளெழில் கருஞ்சி
33	pioneer / caper white	ஒளிவரி வெண்சி
34	plain puffin	சருகன் வெண்சி
35	spot puffin	குருகன் வெண்சி
36	chocolate albatross	பழுவரை கபிசி
37	striped albatross	பழுவரி வெண்சி
38	common albatross	தேன்விரை பால்சி
39	lesser albatross	பால்படு பைஞ்சி
40	small salmon arab	பழுவரை மஞ்சி
41	small orange tip	ஒளிமுனை வெண்சி
42	crimson tip	செம்முனை வெண்சி
43	plain orange tip	எல்முனை வெண்சி
44	large salmon arab	பழுசிதர் மஞ்சி
45	white orange tip	மஞ்சள் வெண்சி
46	yellow orange tip	ஒளிமுனை பைஞ்சி
47	common wanderer	வெண்வரி பழுவரை
48	dark wanderer	வெண்வரி கார்வரை
49	great orange tip	ஒளிமுனை பெருஞ்சி
50	common five ring	ஐங்கண் அஞ்சி
51	southern duffer	இருங்கண் அஞ்சி
52	travancore evening brown	அங்கண் பழுசி
53	common evening brown	குறுங்கண் பழுசி
54	palm king	உறுகண் பழுசி
55	great evening brown	புள்ளி பழுசி
56	dark evening brown	அறைவாய் பழுசி
57	tailed palm fly	அரவாய் பழுசி
58	bamboo tree brown	பரல்கண் பழுசி
59	tamil tree brown	சிதர்கண் பழுசி
60	common tree brown	மலிகண் பழுசி
61	common bush brown	கருங்கண் பழுசி
62	whitebar bush brown	வெண்தார் கண்சி
63	dark brand bush brown	வெள்வரி கண்சி
64	tamil bush brown	தூவரி கண்சி
65	long brand bush brown	மீவெளிர் பழுசி
66	red disc bush brown	அனல்கண் பழுசி
67	glad eye bush brown	நகுகண் பழுசி
68	red eye bush brown	செம்பியல் பழுசி
69	nigger	பெருந்தார் கண்சி
70	jewel four ring	ஆந்தைக் கண்சி
71	tamil cats eye	வெருகுக் கண்சி
72	common four ring	குடிஞைக் கண்சி
73	common three ring	முக்கண் மென்சி
74	white four ring	நால்கண் மென்சி
75	striated five ring	ஐங்கண் வரிச்சி
76	baby five ring	ஐங்கண் மென்சி
77	nilgiri four ring	நால்கண் வரிச்சி
78	anamalous nawab	பன்னிற கூர்ச்சி
79	palni four ring	நால்கண் பழுசி
80	common nawab	ஒண்ணிற கூர்ச்சி
81	blue nawab	நீல்நிற கூர்ச்சி
82	black rajah	அரசக் கருஞ்சி
83	cruiser	மஞ்சிடை பழுசி
84	tawny rajah	அரசக் குருசி
85	tamil lacewing	அரவாய் புகர்சி
86	tamil yeoman	சிற்றலை ஒளிசி
87	tawny coster	கரும்புகர் குருசி
88	black prince	இளவல் கருஞ்சி
89	small leopard	வேங்கை குறுஞ்சி
90	rustic	துருமுனை பழுசி
91	common leopard	வேங்கை பெருஞ்சி
92	nilgiri frittilary	வேங்கை குருசி
93	palni frittilary	வேங்கை மென்சி
94	painted courtesan	வெள்வரி கருஞ்சி
95	neptis clinia	வெள்ளிடை பழுசி
96	common sailer	வெண்புகர் பழுசி
97	chestnut streaked sailer	வெள்விதிர் பழுசி
98	yellow jack sailer	பழுவிடை மஞ்சி
99	southern short banded sailer	வெண்சிதர் பழுசி
100	sullied sailer	வெண்சிதர் கருஞ்சி
101	common lascar	மஞ்சிடை கருஞ்சி
102	extra lascar	மஞ்சிடை கார்சி
103	colour sergeant	செம்முனை கருஞ்சி
104	southern staff sergeant	செம்புகர் கருஞ்சி
105	commander	வெள்ளிடை செஞ்சி
106	southern black vein sergeant	வெள்வரை கருஞ்சி
107	grey count	வெண்ணரை பழுசி
108	guady baron	பன்னிற பைஞ்சி
109	common sergeant	மூவரி பழுசி
110	baronet	கரும்புகர் ஒளிசி
111	clipper	கார்வரை மஞ்சி
112	blue baron	நீல்நரை கருஞ்சி
113	common baron	மீவெண் பழுசி
114	redspot duke	செம்புகர் பைஞ்சி
115	joker	மூவெண் பழுசி
116	angled castor	செக்கர் அஞ்சி
117	common map	சிதர்படு வெண்சி
118	yellow pansy	நீல்கண் மஞ்சி
119	lemon pansy	செங்கண் கருஞ்சி
120	common beak	மஞ்செறி புன்சி
121	common castor	அறல்படு பழுசி
122	club beak	அறுவரி கருஞ்சி
123	blue pansy	அறுகண் வன்சி
124	peacock pansy	தோகை நீல்சி
125	grey pansy	சாம்பர் கண்சி
126	painted lady	பல்பொறி அஞ்சி
127	chocolate pansy	பழுப்புகர் கபிசி
128	indian red admiral	செவ்வரை கருஞ்சி
129	blue admiral	வெள்வரை அறுசி
130	great egg fly	வெள்வரை பெருஞ்சி
131	danaid egg fly	கருமுனை ஒண்சி
132	autumn leaf	பழுப்புறு இலைச்சி
133	southern blue oak leaf	சருகன் பழுசி
134	glassy tiger	வெண்பொறி மென்சி
135	nilgiri tiger	விசிறன் பழுசி
136	blue tiger	நீல்பொறி கருஞ்சி
137	dark blue tiger	கருநீலக் கருஞ்சி
138	plain tiger	பழுமுனை ஒண்சி
139	striped tiger	வயப்பொறி கருஞ்சி
140	common indian crow	வெண்பொறி அஞ்சி
141	double branded crow	இருவரி பழுசி
142	brown king crow	வெண்புகர் கபிசி
143	malabar tree nymph	கருங்கண் வெண்சி
144	suffused double banded judy	செப்புறு பழுசி
145	lankan plum judy	துருபடு வரிச்சி
146	spotted pierrot	கரும்பொறி வெண்சி
147	dark pierrot	கரும்புகர் வெண்சி
148	angled pierrot	கருஞ்சிதர் வெண்சி
149	striped pierrot	கருவரி வெண்சி
150	zebra blue	கபிவரி வெண்சி
151	banded blue pierrot	கருந்தார் வெண்சி
152	common pierrot	கருமாண் வெண்சி
153	ape fly	பழுவலை வெண்சி
154	bright babul blue	நீல்வரி பழுசி
155	dull babul blue	மழுங்குறு வெண்சி
156	indian cupid	இணைக்கண் புன்சி
157	african babul blue	நிறைகண் நீல்சி
158	white hedge blue	வெள்விரை நீல்சி
159	white disc hedge blue	வெண்படு நீல்சி
160	common hedge blue	கரும்புகர் நீல்சி
161	hempson hedge blue	கருஞ்சிதர் நீல்சி
162	pale grass blue	பசுவிரை நீல்சி
163	dark grass blue	கருங்கண் கபிசி
164	malayan	கருவலை வெண்சி
165	plain hedge blue	வெள்மாண் நீல்சி
166	quaker	கறைபடு நீல்சி
167	lesser grass blue	கருங்கண் புன்சி
168	tiny grass blue	சிறுகண் புன்சி
169	small cupid	பழுப்புறு புன்சி
170	lime blue	கண்ணுறு புன்சி
171	plains cupid	பழுக்கண் பழுசி
172	eastern grass jewel	வெள்வரை தேன்சி
173	gram blue	செங்கண் புன்சி
174	forget-me-not	ஒருகண் புன்சி
175	silver forget-me-not	ஒருகண் மென்சி
176	pea blue	இருகண் பழுசி
177	dark cerulean	செங்கண் வன்சி
178	common cerulean	செங்கண் மென்சி
179	metallic cerulean	ஒளிகண் மென்சி
180	large fourline blue	கருங்கண் வன்சி
181	pale fourline blue	கருங்கண் மென்சி
182	transparent 6line blue	அறுவரி மென்சி
183	opaque 6line blue	அறுவரி வன்சி
184	pointed line blue	பழுவரி வன்சி
185	white tipped line blue	வெள்வரி மென்சி
186	tailless line blue	பழுவரி மென்சி
187	common line blue	பழுவரி கண்சி
188	dingy line blue	திரைபடு புன்சி
189	red pierrot	செக்கர் வெண்சி
190	western centaur oakblue	தேனிற வரிச்சி
191	pointed ciliate blue	கூர்முனை பழுசி
192	ciliate blue	மழுமுனை பழுசி
193	tamil oakblue	வெள்ளறை கருஞ்சி
194	large oakblue	கண்சிதர் பழுசி
195	dark broken band oakblue	கண்முறி பழுசி
196	rosy / kanara oakblue	இருகூர் பழுசி
197	abeirant oakblue	கார்விரை பழுசி
198	manytailed oakblue	பல்கூர் புன்சி
199	common acacia blue	இருகூர் புன்சி
200	silver streak blue	வெண்படு தேன்சி
201	silver streaked acacia blue	வெண்படு புன்சி
202	leaf blue	வாடல் புன்சி
203	common silver line	செவ்விடை வெண்சி
204	plumbeous silver line	வெள்வரி செஞ்சி
205	short silver line	வெள்ளிடை கருஞ்சி
206	abnormal silver line	பழுவரி புன்சி
207	liliac silver line	பழுவரி பால்சி
208	scarce shot silver line	மஞ்சிடை செஞ்சி
209	long banded silverline	மஞ்செறி செஞ்சி
210	common tinsel	பல்பொறி பால்சி
211	common imperial	வெள்ளை நெடுவாலி
212	yam fly	பழுப்புப் பிளவாலி
213	monkey puzzle	பல்வால் பழுசி
214	common onyx	வெள்ளிடை பைஞ்சி
215	redspot	செம்பொறி வெண்சி
216	peacock royal	மயில்கண் பழுசி
217	spotted royal	கார்சிதர் வெண்சி
218	plains blue royal	மயில்கண் வெண்சி
219	nilgiri tit	நீல்படு பால்சி
220	banded royal	கார்வரை வெண்சி
221	orchid tit	மயில்கண் புன்சி
222	pluffy tit	வெள்ளரை பழுசி
223	cornelion	சிறுகண் பழுசி
224	large guava blue	பழுக்கண் மென்சி
225	common guava blue	மயில்கண் நீல்சி
226	plane	பழுவிடை வெண்சி
227	indian red flash	சாம்பர் வெண்சி
228	malabar flash	நெடுவரி பழுசி
229	indian sun beam	செக்கர் ஒண்சி
230	slate flash	மயில்கண் கபிசி
231	indigo flash	பழுவரி தேன்சி
232	toothed sun beam	வெள்வரி நீல்சி
233	shiva sun beam	கறைவரி நீல்சி
234	pale green awlet	ஒண்முக வரிச்சி
235	orange awlet	செம்முக தேன்சி
236	white banded awl	வெள்வரி கார்சி
237	orange tail awl	ஒள்வரை கருஞ்சி
238	common banded awl	வெண்வரி தேன்சி
239	common awl	மெல்வரி தேன்சி
240	plain banded awl	வெண்படு மென்சி
241	brown awl	புன்வரி பழுசி
242	indian awl king	ஒண்முனை பைஞ்சி
243	common spotted flat	கருவெண் கபிசி
244	malabar spotted flat	வெண்சிதர் கபிசி
245	tamil / dusky spotted flat	இருபுகர் பழுசி
246	restricted spotted flat	இருபுகர் கபிசி
247	ceylon snow flat	வெள்ளடி பழுசி
248	water snow flat	வெருகடி பழுசி
249	suffused snow flat	வெள்வரை பழுசி
250	common yellow breasted flat	வெள்ளிடை நீல்சி
251	fulvous pied flat	கறைபடு தேன்சி
252	tricolor flat	தேன்படு பழுசி
253	common small flat	சிற்றுரு புன்சி
254	spotted small flat	வெண்புகர் அறுசி
255	black angled flat	புலிமுக தேன்சி
256	chestnut angle	மின்கொடி அறுசி
257	golden angle	தேன்படு வரைசி
258	indian grizzled skipper	பால்பொறி கபிசி
259	pigmy grass hopper	சிறுமுக புன்சி
260	african mallow skipper	பழுவரி கபிசி
261	dingy grass hopper	தேன்படு மழுசி
262	bush hopper	பழுவரி மஞ்சி
263	indian ace	பழுவரை தேன்சி
264	moores ace	வெள்வரி தேன்சி
265	bicolor ace	இருநிற தேன்சி
266	madras ace	கார்வரை தேன்சி
267	southern spotted ace	வெண்புகர் தேன்சி
268	tamil / sitala ace	தேன்படு குறுஞ்சி
269	eversheds ace	மஞ்சுறு தேன்சி
270	chestnut bob	முதுதேன் வரிச்சி
271	coon	தேன்படு கபிசி
272	common banded demon	வெண்படு சூர்சி
273	restricted demon	வெண்சிதர் சூர்சி
274	maculate lancer	வாள்வாய் வரைச்சி
275	grass demon	கருவெண் சூர்சி
276	coorg forest hopper	மழுவரி புன்சி
277	indian palm bob	குறுவரி குறுஞ்சி
278	vindhyan bob	வாள்முக தேன்சி
279	small palm bob	செங்கண் தேன்சி
280	wax dart	மஞ்சள் மென்சி
281	hempsons hedge hopper	தெள்வரி தேன்சி
282	common tree flitter	துருவெண் தேன்சி
283	yellow base / golden tree flitter	ஒண்முதல் கருஞ்சி
284	purple spotted flitter	கருஞ்சிதர் தேன்சி
285	rounded palm redeye	செங்கண் கபிசி
286	giant redeye	செங்கண் பெருஞ்சி
287	common redeye	செங்கண் இருஞ்சி
288	common / oriental grass dart	வரையுறு தேன்சி
289	tamil / tawny spotted grass dart	கருஞ்சிதர் வாள்சி
290	tamil dartlet	மஞ்சள் தேன்சி
291	indian / common dartlet	கறைசிதர் தேன்சி
292	pale palm dart	வெள்ளக மஞ்சி
293	straight swift	பல்வரி தேன்சி
294	dark palm dart	ஒள்ளக தேன்சி
295	rice swift	வெள்ளக பைஞ்சி
296	bevans shift	கார்படு தேன்சி
297	dark / little branded swift	துகளுறு வன்சி
298	large branded swift	வெண்பொறி வன்சி
299	small branded swift	சிற்றுரு வன்சி
300	conjoined swift	பொறிப்புகர் தேன்சி
301	contiguous swift	வெண்படு கபிசி
302	paint brush swift	வெண்பொறி கபிசி
303	philliphine swift	நுண்புகர் தேன்சி
304	kanara swift	வெண்பொறி தேன்சி
305	variable plain palm swift	கபிசிதர் மஞ்சி