சங்கத் தமிழில் அகர எதிர்முறை முன்னொட்டு

 சங்கத் தமிழில் அகர எதிர்முறை முன்னொட்டு

முன்னுரை:

ஒரு சொல்லுக்கு முன்னால் அகர எழுத்தினை ஒட்டாக வைத்து எதிர்முறைப் பொருளில் வழங்கும் முறையானது தமிழில் இல்லை என்றும் வடமொழியில் தோன்றிய முறையே அது என்றும் தமிழ் ஆய்வாளர்களால் இதுவரை கருதப்பட்டு வந்தது. தற்போது நடந்து முடிந்த ஆய்வு முடிவுகள் அக் கருத்துக்களைப் பொய்யாக்கித் தகர்த்தெறிந்துள்ளன. இன்னும் சொல்லப் போனால், வடமொழிக்கு வெகு காலத்திற்கு முன்னரே இந்த முறையானது தமிழில் தோன்றி இருக்க வேண்டும் என்பதே இக் கட்டுரையின் துணிபாகும்.  இதைப் பற்றி விளக்கமாகக் கீழே காணலாம்.

எதிர்முறை முன்னொட்டு:

எதிர்முறை முன்னொட்டு என்பது எதிர்முறைப் பொருளில் ஒரு சொல்லுக்கு முன்னால் ஒட்டாகப் பயன்படும் எழுத்து அல்லது சொல் ஆகும். ஆங்கிலம் முதலான ஐரோப்பிய மொழிகள் பலவற்றிலும் பலவிதமான எதிர்முறை முன்னொட்டுக்கள் உள்ளன. தமிழில் அல், இல் என்ற இரண்டு எதிர்முறை முன்னொட்டுக்கள் இதுவரை அறியப்பட்டுள்ளன. சான்றுக்குச் சிலவற்றைக் கீழே காணலாம்.

a + sexual = asexual
il + legal = illegal
அல் + திணை = அஃறிணை
அல் + மொழி = அன்மொழி
இல் + ஆன் = இல்லான்
இல் + மை = இன்மை

தமிழில் மேற்காணும் இரண்டு முன்னொட்டுகளைத் தவிர அ  என்னும் எழுத்தும் எதிர்முறை முன்னொட்டாக அறியப்பட்டுள்ளது. குறிப்பாக இந்த முன்னொட்டு சங்க இலக்கியப் பாடல்களில் அதிகம் பயன்படுத்தப் பட்டுள்ளது. 

சங்க இலக்கியத்தில் அகர எதிர்முறை முன்னொட்டு:

தமிழ் இலக்கியங்களிலே காலத்தால் முற்பட்ட சங்க இலக்கியங்களில் அகரத்தை முன்னொட்டாகக் கொண்ட சொற்கள் பயன்படுத்தப் பட்டுள்ளன என்பது புதிய செய்தி. அதிலும் அவை எதிர்முறைப் பொருளைக் குறிக்கவே கையாளப் பட்டுள்ளன என்பது வியப்பூட்டும் செய்தி.  அந்த சொற்கள் எவை எவை என்று முதலில் காணலாம்.

• அகளம்
• அச்சிரம்
• அசோகம்
• அந்தரம்
• அமரர்
• அமிர்தம்
• அமிர்து
• அவலம்
• அவுணர்
• அனந்தர்
• அனந்தல்

மேற்காணும் சொற்கள் அனைத்திலும் அகர முன்னொட்டு எவ்வாறு எதிர்மறைப் பொருளில் பயன்படுத்தப் பட்டுள்ளது என்பதை அறிய இச் சொற்களின் பிறப்பியல் முறைகளைக் காண வேண்டும். இச் சொற்களின் பிறப்பியல் முறைகளை அவற்றின் பொருட்கள் மற்றும் இலக்கியப் பயன்பாட்டு இடங்களுடன் வரிசையாகக் கீழே காணலாம்.

1. அகளம்:

பிறப்பியல்: அ (எதிர்முறை ஒட்டு) + களம் (=கழுத்து, மேடு) = அகளம் = கழுத்தில்லாமல் குழி உடையது அதாவது கழுத்தில்லாத பாத்திர வகைகள்.
பொருளியல்: வாளி, அண்டா, தொட்டி போன்ற பாத்திரங்கள், யாழின் பத்தர் என்னும் கழுத்தற்ற பானை போன்ற உறுப்பு.
வழக்கியல்: சிறுபாணாற்றுப்படை - 224, 225, மலைப்படுகடாம் - 104.

2. அச்சிரம்:

பிறப்பியல்: அ (எதிர்முறை ஒட்டு) + சுரம் (=வெப்பம்) = அச்சுரம் > அச்சிரம் = வெப்பமற்ற நிலை.
பொருளியல்: குளிர்ச்சி, பனி, பனிக்காலம்.
வழக்கியல்: பரிபாடல் - 18, ஐங்குறுநூறு - 223.

3. அசோகம்:

பிறப்பியல்: அ (எதிர்முறை ஒட்டு) + சோகம் (=வாட்டம்) = அசோகம் = வாட்டமின்மை, செழிப்பானது.
பொருளியல்: கவலையின்மை, எப்போதும் பசுமையான இலைகளைக் கொண்ட மரவகைகள், பிண்டி, வாழை.
வழக்கியல்: கலித்தொகை - 57.

4. அந்தரம்:

பிறப்பியல்: அ (எதிர்முறை ஒட்டு) + தரம் (=பூமி, கீழ்ப்பகுதி) = அந்தரம் = கீழ்ப்பகுதி அற்றது.
பொருளியல்: மேலிடம், வெளி, ஆகாயம், தேவலோகம்.
வழக்கியல்: திருமுருகாற்றுப்படை - 119, 174, ஐங்குறுநூறு - 76, பரிபாடல் - 24, அகநானூறு - 68, புறநானூறு - 392, பதிற்றுப்பத்து - 51.

5. அமரர்:

பிறப்பியல்: அ (எதிர்முறை ஒட்டு) + மரி (=இற) + அர் (விகுதி) = அமரர் = இறப்பு இல்லாதவர்.
பொருளியல்: வானோர், தேவர்.
வழக்கியல்: பட்டினப்பாலை - 184, 200, பரிபாடல் - 1, 2, 3, 5, 8, 11, கலித்தொகை - 108, புறநானூறு - 0, 55, 99.

6. அமிர்தம்:

பிறப்பியல்: அ (எதிர்முறை ஒட்டு) + மிருது (=இறப்பு) + அம் (விகுதி) = அமிருதம் > அமிர்தம் = இறவாமையைத் தருவது, மரணத்தை ஒத்தி வைப்பது.
பொருளியல்: நல்லுணவு, இனிய உணவு.
வழக்கியல்: பரிபாடல் - 2, 8.

7. அமிர்து:

பிறப்பியல்: அ (எதிர்முறை ஒட்டு) + மிருது (=இறப்பு) = அமிருது > அமிர்து = இறவாமையைத் தருவது, மரணத்தை ஒத்தி வைப்பது.
பொருளியல்: நல்லுணவு, இனிய உணவு.
வழக்கியல்: மதுரைக்காஞ்சி - 532, பதிற்றுப்பத்து - 16, பரிபாடல் - 3,8,12.

8. அவலம்:

பிறப்பியல்: அ (எதிர்முறை ஒட்டு) + வலம் (=வெற்றி, வலிமை) = அவலம் = வெற்றி மற்றும் வலிமையின் எதிர்.
பொருளியல்: தோல்வி, வீண், பலவீனம், கேடு, நோய்.
வழக்கியல்: நற்றிணை - 58, குறுந்தொகை - 159, கலித்தொகை - 28,103, அகநானூறு - 285, புறநானூறு - 210 மற்றும் பலப்பல.

9. அவுணர்:

பிறப்பியல்: அ (எதிர்முறை ஒட்டு) + ஒண்மை (=அழகு, நற்செயல், நல்லறிவு, ஒழுக்கம்) + அர் (விகுதி) = அவொணர் > அவுணர் = அழகும் நற்செயலும் நல்லறிவும் ஒழுக்கமும் அற்றவர்.
பொருளியல்: அரக்கர், அசுரர்.
வழக்கியல்: திருமுருகாற்றுப்படை - 59, மதுரைக்காஞ்சி - 590, குறுந்தொகை - 1, பதிற்றுப்பத்து - 11, பரிபாடல் - 3,5,8, புறநானூறு - 174, கலித்தொகை - 2.

10. அனந்தர்:

பிறப்பியல்: அ (எதிர்முறை ஒட்டு) + நந்தம் (=முயற்சி, ஊக்கம்) + அர் (விகுதி) = அனந்தர் = முயற்சியின்மை, ஊக்கமின்மை.
பொருளியல்: சோம்பல், மந்தம், மயக்கம், தூக்கம்.
வழக்கியல்: பொருநராற்றுப்படை - 94, அகநானூறு - 37, புறநானூறு - 316.

11. அனந்தல்:

பிறப்பியல்: அ (எதிர்முறை ஒட்டு) + நந்தம் (=முயற்சி, ஊக்கம்) + அல் (விகுதி) = அனந்தல் = முயற்சியின்மை, ஊக்கமின்மை.
பொருளியல்: சோம்பல், மந்தம், மயக்கம், தூக்கம். 
வழக்கியல்: மலைப்படுகடாம் - 173, புறநானூறு - 62.

முடிவுரை:

மேலே கண்ட சொற்களுக்கான பிறப்பியல் முறைகளில் இருந்து அவை அனைத்தும் அகர முன்னொட்டை அடிப்படையாகக் கொண்டு உருவாக்கப்பட்டவையே என்றும் அவை யாவும் எதிர்முறைப் பொருளில் அமைந்தவையே என்றும் அறியலாம். ஆக, அகரத்தை முன்னொட்டாகக் கொண்டு உருவாக்கிய சொல்லை எதிர்முறைப் பொருளில் வழங்கும் வழக்கம் சங்ககாலம் அல்லது அதற்கும் முற்பட்ட காலத்து நடைமுறையே அன்றி வடமொழிக்கானது அல்ல என்று தெளியலாம். எனவே இனி கீழ்வருவன போன்ற பல சொற்களை வடமொழியோ என்று சந்தேகிக்காமல் தமிழெனவே துணிந்து பயன்படுத்தலாம்.

அ + சாதாரணம் = அசாதாரணம்
அ + பூர்வம் = அபூர்வம்
அ + பயம் = அபயம் 

இது போன்ற ஏராளமான சொற்களின் பிறப்பியல் முறைகளை அவற்றின் பொருட்கள் மற்றும் மேற்கோள் பாடல்களுடன் அறிந்துகொள்ள கீழ்க்காணும் இணைய தளம் உதவுகிறது. குறிப்பாக ஒரு சொல் தமிழா சமக்கிருதமா என்று தெளிந்தகொள்ள கீழ்க்காணும் தளத்தைப் பயன்படுத்தலாம். வாழ்க தமிழ்!. 

pirappiyal.kesug.com

13. (ஐது > ஔவை) சங்க இலக்கியச் சொற்பிறப்பியல் - Tamil Etymological Dictionary - Part 13 - Aithu > Ouvai

 

தமிழ்ச் சொல்	பொருள்	மேற்கோள்	தோன்றும் முறை
ஐது	மை	திரு. 228	ஐ (=மென்மை, குழைவு) + து = ஐது = குழைவுடையது = மை
ஐது	மென்மை	சிறு. 7	ஐ (=மென்மை) + து = ஐது
ஐது	இமை	பொரு. 7	எயிறு (=கண்ணிமை) >>> அயிது >>> ஐது
ஐது	அழகு	நற். 264	ஐ (=அழகு) + து = ஐது = அழகுடையது
ஐது	எழுத்து	நற். 252	எழுத்து >>> அய்து >>> ஐது
ஐது	மிகுதி	நற். 344	அழி (=மிகுதி) + து = அழிது >>> ஐது
ஐது	கை	அக. 94	இறை (=கை) + உ = ஈறு >>> ஐது
ஐது	வியப்பு	குறு. 217	ஐ (=வியப்பு) + து = ஐது
ஐது	ஐந்து	புற. 29	ஐந்து >>> ஐது
ஐந்து	எண் வகை	பரி. 3	அத்தம் (=கை) + ஊழ் (=எண்ணு) = அத்தூழ் >>> ஐந்து = கையில் உள்ள எண்ணிக்கை
ஐம்பால்	இமை	கலி. 32	ஐ (=அழகு, மென்மை) + பால் (=வரி, பிரிவு, உறுப்பு) = ஐம்பால் = அழகிய வரிகளைக் கொண்ட மெல்லிய உறுப்பு
ஐயம்	சந்தேகம்	புற. 216	ஆய் (=ஆராய், சந்தேகி) + அம் = அய்யம் >>> ஐயம் = சந்தேகம்
ஐயம்	பிச்சை	பதி. 21	ஈ (=கொடு) + அம் (=வணங்கு, சொல், உணவு) = ஈயம் >>> ஐயம் = கொடு என வணங்கியோர்க்கு உணவு கொடுத்தல்
ஐயர்	தந்தை	நற். 122	ஐ (=தந்தை) + அர் = ஐயர்
ஐயர்	பார்ப்பார்	பரி. 24	ஐ (=மென்மை, நுட்பம்) + அர் = ஐயர் = மென்மைத் தன்மையும் அறிவு நுட்பமும் உடையவர் = பார்ப்பார்
ஐயவி	வெண் கடுகு	திரு. 228	ஐ (=கோழை, சளி, நுண்மை, வெண்மை) + அவி (=உணவு, நீக்கு) = ஐயவி = சளியை நீக்கும் நுண்ணிய வெண்ணிற உணவு = வெண்கடுகு
ஐயவி	அம்பு செலுத்தும் மரம்	பதி. 22	ஏ (=அம்பு, செலுத்துகை, பெருக்கம்) + அமை (=பொருத்து, மரம்) + இ = எயமி >>> ஐயவி = அம்பு செலுத்துவதற்குப் பொருத்தப்படும் பெரிய மரம்
ஐயள்	அழகி	நற். 2	ஐ (=அழகு) + அள் = ஐயள் = அழகி
ஐயன்	தலைவன்	கலி. 43	ஐ (=தலைமை) + அன் = ஐயன்
ஐயை	தலைவி	அக. 6	ஐ (=தலைமை) + ஐ = ஐயை
ஐவனம்	வெண்ணெல் வகை	மது. 288	ஐ (=சிறுமை) + வான் (=வெண்மை, வலிமை) + அம் (=உணவு) = ஐவானம் >>> ஐவனம் = வலுவான வெண்ணிற சிறிய உணவு = வெண்ணெல்
ஒக்கல்	கூட்டம்	நற். 300	ஓங்கு (=பெருகு, கூடு) + அல் = ஓங்கல் >>> ஒக்கல் = கூட்டம்
ஒசியல்	முறிதண்டு	குறு. 112	ஒழி (=அறு, முறி) + அள் (=தண்டு) = ஒழியள் >>> ஒசியல் = முறிதண்டு
ஒட்டகம்	பாலைவன பெரிய உயிரி	அக. 245	உறை (=மிகக்குறைவு, மழை, மிகு, சுடு, தங்கு, வாழ், உயரம், நீளம்) + அகம் (=நிலம், உயிரி) = உற்றகம் >>> ஒட்டகம் = மிகக் குறைந்த மழையும் மிக்க சூடும் உடைய நிலத்தில் தங்கி வாழும் உயர்ந்து நீண்ட உயிரி.
ஒடியல்	முறிதண்டு	நற். 289	ஒடி (=முறி) + அள் (=தண்டு) = ஒடியள் >>> ஒடியல் = முறிதண்டு
ஒடிவு	சோர்வு	பதி. 80	ஒடி (=சோர்) + வு = ஒடிவு = சோர்வு
ஒடிவை	குறைவு	அக. 301	ஒடி (=குறை) + வை = ஒடிவை = குறைவு
ஒடுக்கம்	சோர்வு	மது. 642	ஒடுங்கு (=சோர்) + அம் = ஒடுங்கம் >>> ஒடுக்கம் = சோர்வு
ஒடுக்கம்	மறைவு	புற. 259	ஒடுங்கு (=மறை) + அம் = ஒடுங்கம் >>> ஒடுக்கம் = மறைவு
ஒடுக்கம்	அடக்கம்	நற். 393	ஒடுங்கு (=அடங்கு) + அம் = ஒடுங்கம் >>> ஒடுக்கம் = அடக்கம்
ஒண்மை	அறிவு	பதி. 70	உள் (=கருது, அறி) + மை = உண்மை >>> ஒண்மை = அறிவு
ஒண்மை	ஒளி	பரி. 4	உண் (=குறை, அழி) + மை (=இருள்) = உண்மை >>> ஒண்மை = இருளை அழிப்பது = ஒளி
ஒத்தன்	ஒருவன்	கலி. 103	ஒற்றை (=ஒன்று) + அன் = ஒற்றன் >>> ஒத்தன் = ஒருவன்
ஒத்தி	ஒருத்தி	கலி. 143	ஒற்றை (=ஒன்று) + இ = ஒற்றி >>> ஒத்தி = ஒருத்தி
ஒதுக்கம், ஒதுக்கு	வழி	அக. 323, நற். 240	உறை (=நீளம், இடம்) + உகை (=செல்) + அம் = உறுக்கம் >>> ஒதுக்கம் = செல்வதற்கான நீண்ட இடம் = வழி
ஒதுக்கு	பயணம்	அக. 142	உறை (=நீளம்) + உகை (=செல்) + உ = உறுக்கு >>> ஒதுக்கு = நீண்டு செல்லுதல் = பயணம்
ஒப்பு	சமம்	பொரு. 34	ஒ (=சமமாகு) + பு = ஒப்பு = சமம்
ஒப்புரவு	உலக ஆசாரத்தைப் பின்பற்றல்	நற். 220	ஒப்பு (=இணக்கம்) + ஊர் (=உலகம், நட) + ஔ = ஒப்பூரவு >>> ஒப்புரவு = உலக நடையுடன் இணக்கம்
ஒரால்	தப்பி ஓடுதல்	பதி. 23	ஒருவு / ஒரு (=தப்பு, ஓடு) + ஆல் = ஒரால் = தப்பி ஓடுதல்
ஒருங்கு	ஒன்று கூடுதல்	சிறு. 139	ஒருமை (=ஒன்று) + ஓங்கு (=பெருகு, கூடு) = ஒரோங்கு >>> ஒருங்கு = ஒன்று கூடுதல்
ஒருத்தல்	ஆண்	குறு. 396	உரு (=சின, மிகு, உடல்) + ஊற்றம் (=வலிமை) + அல் = உரூற்றல் >>> ஒருத்தல் = உடல் வலிமையும் சினமும் மிக்கது = ஆண்
ஒருத்தி	ஒருபெண்	கலி. 92	ஒருமை + ஒத்தி = ஓரொத்தி >>> ஒருத்தி = ஒருபெண்
ஒருவன்	ஒரு ஆண்	திரு. 254	ஒருமை + அன் = ஒருவன்
ஒல்லார்	பகைவர்	பதி. 54	ஒல்லு (=உடன்படு) + ஆ (=எதிர்மறை) + ஆர் = ஒல்லார் = உடன்படாதவர்
ஒல்லை	விரைவு	கலி. 145	ஒல் (=பொறு, தாமதி) + ஆய் (=நீங்கு, அறு) = ஒல்லாய் >>> ஒல்லை = தாமதம் அற்றது = விரைவு
ஒலி, ஓல்	அதிர்வால் உண்டாவது	பொரு. 206, கலி. 42	உலை (=நடுங்கு, அதிர்) + ஈ (=படை, உண்டாகு) = உலீ >>> ஒலி = அதிர்வினால் உண்டாவது = ஒலி
ஒலி	அழகு	நெடு. 98	ஒளி (=விளக்கம், அழகு) >>> ஒலி
ஒலி	மிகுதி	கலி. 75	உலை (=வற்று, குறை) + ஈ (=அழிவு) = உலீ >>> ஒலி = குறைவின்மை = மிகுதி, பெருக்கம்
ஒலி	வறட்சி	அக. 39	உலை (=வற்று) + இ = உலி >>> ஒலி = வற்றுகை = வறட்சி
ஒலியல்	பூ	புற. 76	உலை (=நெகிழ், வாடு) + இயல் (=மென்மை, தோன்று) = உலியல் >>> ஒலியல் = தோன்றி நெகிழ்ந்து வாடும் மென்மை கொண்டது = பூ
ஒழுக்கம்	நடப்பதற்கான நன்முறை	கலி. 100	ஊழ் (=முறை) + உகை (=செல், நட) + அம் (=நன்மை) = உழுக்கம் >>> ஒழுக்கம் = நடப்பதற்கான நன்முறை
ஒழுக்கு	பொழிவு	மது. 507	ஒழுகு (=பொழி) + உ = ஒழுக்கு = பொழிவு
ஒழுக்கு	செல்முறை	புற. 173	ஊழ் (=முறை) + உகை (=செல்) + உ = உழுக்கு >>> ஒழுக்கு = செல்முறை
ஒழுக்கு	காய்	அக. 2013	ஊழ் (=பழு) + உகு (=அழி, இல்லாகு) + உ = உழுக்கு >>> ஒழுக்கு = பழுக்காதது = காய்
ஒழுகை	வண்டி	புற. 116	ஊழ் (=சுற்று) + உகை (=பதி, செல்) = உழுகை >>> ஒழுகை = பதிந்து சுற்றிச் செல்வது = வண்டி
ஒளி	இருப்பதைக் காட்டுவது	மது. 545	உள் (=இரு) + ஈ (=படை, வெளிக்காட்டு) = உளீ >>> ஒளி = இருப்பதை வெளிக்காட்டுவது
ஒளி	அழகு	குறு. 276	உளை (=சேறு, கசடு) + ஈ (=நீக்கம், படை, தோன்று) = உளீ >>> ஒளி = கசடு நீங்குதலால் தோன்றுவது
ஒளி	தீ	கலி. 52	உலை (=அலை, பரவு, அழி) + இ = உலி >>> ஒளி = பரவி அழிப்பது
ஒளி	அறிவு	புற. 53	உள் (=கருது, அறி) + இ = உளி >>> ஒளி = அறிவு
ஒளிறு	ஒளி	அக. 96	உலை (=அழி) + இருமை (=இருள்) + உ = உலிரு >>> ஒளிறு = இருளை அழிப்பது = ஒளி
ஒற்கம்	வறுமை	புற. 327	ஒல்கு (=குறை, வறிதாகு) + அம் = ஒல்கம் >>> ஒற்கம் = வறுமை
ஒன்பது	பத்தின் குறை	திரு. 183	உண் (=குறை) + பத்து = உண்பத்து >>> ஒன்பது = பத்தின் குறை
ஒன்றார், ஒன்னார்	பகைவர்	பரி. 21, புற. 39	ஒன்று (=கூடு, சேர்) + ஆ (=எதிர்மறை) + ஆர் = ஒன்றார் >>> ஒன்னார் = சேராதவர் = பகைவர்
ஒன்று	ஆதி, முதல் எண்	புற. 166, புற. 18	ஒன் (=பொருந்து, தொடு) + து = ஒன்று = தொடக்கம், ஆதி >> எண்களின் ஆதி
ஓங்கல்	உயரம்	நற். 87	ஓங்கு (=உயர்) + அல் = ஓங்கல் = உயரம்
ஓங்கல்	கடலலை	நற். 395	ஓங்கு (=உயர்) + ஆல் (=ஒலி, நீர்) = ஓங்கால் >>> ஓங்கல் = ஒலித்து உயரும் நீர் = கடலலை
ஓங்கல்	கரும்பாறை	அக. 228	ஊழ் (=இருள், கருமை) + கல் (=பாறை) = ஊழ்க்கல் >>> ஓங்கல் = கரும்பாறை
ஓச்சம்	புகழ்	பதி. 41	ஓச்சு (=உயர்த்து) + அம் (=சொல்) = ஓச்சம் = உயர்த்தும் சொல் = புகழ்
ஓசனை	பயண தூரம்	பரி. 12	ஓச்சு (=செலுத்து, ஓட்டு) + அணை (=பொருந்து, எல்லை) = ஓச்சணை >>> ஓசனை = ஓட்டுதலுடன் பொருந்திய எல்லை
ஓசை	ஒலி	நற். 4	உய் (=அறிவி, ஒலி) + ஐ = ஊயை >>> ஓசை = ஒலிப்பது = ஒலி
ஓட்டை	பிளவு	பரி. 12	உடை (=பிள) + ஐ = ஊட்டை >>> ஓட்டை = பிளவு
ஓடம்	நீர்க்கலம்	அக. 101	ஓட்டு (=செலுத்து) + அம் (=நீர்) = ஓட்டம் >>> ஓடம் = நீரில் செலுத்தப் படுவது = படகு
ஓடை	நெற்றிப் பட்டம்	நற். 296	ஓடு (=உறை) + ஐ (=அழகு, தலைமை) = ஓடை = தலைக்கு அழகு சேர்க்கும் உறை
ஓதம்	கடலலை	புற. 22	உறை (=உயரம்) + அம் (=ஒலி, நீர்) = ஊறம் >>> ஓதம் = ஒலித்து உயரும் நீர் = கடலலை
ஓதம்	பேரொலி	பரி. 23	ஊது (=பெரு) + அம் (=ஒலி) = ஊதம் >>> ஓதம் = பேரொலி
ஓதி	கண்ணிமை	சிறு. 22	உறை (=ஒழுகல், காரம், துன்பம், நீர், துளி) + இ = ஊறி >>> ஓதி = துன்பத்தால் / காரத்தால் நீரைத் துளித்து ஒழுகச் செய்வது = கண், கண்ணிமை
ஓதி	ஓணான்	நற். 186	ஊழ் (=உடல், நிறம், மறை) + தை (=பொருத்து, சூழ்) + இ = ஊழ்தி >>> ஓதி = உடலின் நிறத்தைச் சூழலுடன் பொருத்தி மறைந்து கொள்வது
ஓதிமம்	அன்னம்	பெரு. 317	ஒத்து (=விலகு, பொழுது) + இமை (=கண்ணிமை, இல்லாகு) + அம் (=நீர், அழகு, பறவை) = ஓத்திமம் >>> ஓதிமம் = இமைப்பொழுதும் விலகாத அழகிய நீர்ப் பறவை
ஓதை	விவசாயம்	புற. 65	ஊது (=பெருக்கு, உண்) + ஐ = ஊதை >>> ஓதை = உணவைப் பெருக்குதல்
ஓதை	பேரொலி	மது. 258	உந்து (=பெருகு, ஒலி) + ஐ = உந்தை >>> ஓதை = பேரொலி
ஓரி	தலைமயிர்	பொரு. 164	அம்பு (=புல், மயிர்) + இறை (=தலை) + இ = அம்பிறி >>> அவ்விரி >>> அவுரி >>> ஔரி >>> ஓரி = தலைமயிர்
ஓரி	கரடி	பட். 257	ஏமம் (=இருள், கருமை, வலிமை) + இறை (=கை) + இ = எமிறி >>> அவிரி >>> ஔரி >>> ஓரி = கருத்த வலுவான கைகளைக் கொண்டது
ஓரி	அழகு	குறு. 244	அவிர் (=ஒளி, அழகு) + இ = அவிரி >>> ஔரி >>> ஓரி
ஓரை	ஓடியாடல்	நற். 68	ஆவு (=விரும்பு) + இரி (=ஓடு) + ஐ = அவிரை >>> ஔரை >>> ஓரை = விரும்பி ஓடுதல் = ஓடியாடல்
ஓலை	ஒலிக்கின்ற வறண்ட இலை	நற். 38	ஒலி (=வறட்சி, ஓசை) + ஐ (=மென்மை) = ஓலை = ஓசை எழுப்பும் வறண்ட மென்பொருள்
ஓவம், ஓவு	அழகிய காட்சி	பரி. 21, மது. 365	ஓம்பு (=கவனி, காண்) + அம் (=அழகு) = ஓம்பம் >>> ஓவம் = அழகிய காட்சி
ஓவியம்	வரைந்த தோற்றம்	நெடு. 147	ஓம்பு (=உண்டாக்கு) + இழை (=வரை) + அம் = ஓம்பிழம் >>> ஓவியம் = வரைந்து உண்டாக்கப்படுவது
ஓவு	தளர்வு	மது. 733	ஓய் (=தளர்) + வு = ஓய்வு >>> ஓவு = தளர்வு
ஔவை	வயது முதிர்ந்தவள்	சிறு. 101	அமை (=கோல், ஊன்று) + ஐ = அம்மை >>> அவ்வை >>> ஔவை = ஊன்றுகோலைக் கொண்டவள்