64 - (அக்கம் -> அச்சுறை) சமக்கிருதத்தில் உள்ள நேரடி & மூலத் தமிழ்ச் சொற்களின் தோற்றம்

 

சொல்	பொருள்	தமிழ்ச் சொல்	மூலச்சொல்லும் தோன்றும் முறையும்
சத்தியம்	உண்மை	அற்றம்	(2) அற்றம் (=உண்மை) + இயம் = அற்றியம் >>> சத்தியம்
சதுக்கம்	சமாதி	அற்றிங்கம்	அற்றம் (=முடிவு, இறுதி, மரணம்) + இங்கு (=தங்கு) + அம் = அற்றிங்கம் >>> சத்திக்கம் >>> சதுக்கம் = மரணித்தோர் தங்கும் இறுதியான இடம்.
அஃகம், அக்கம்	தானியம்	அஃகம்	அஃகு (=சுருங்கு, சிறு) + அம் (=உணவு) = அஃகம் = சிறிய உணவு
அக்கசாலை	கொல்லன் பட்டறை	அகைச்சாலை	அகை (=எரி, அடி, துண்டாக்கு) + சாலை = அகய்ச்சாலை >>> அக்கசாலை = எரித்தல், அடித்தல், துண்டாக்குதல் முதலான வேலைகளைச் செய்யும் இடம் = கொல்லன் பட்டறை
அக்கடா	ஓய்வு	ஆக்கறை	ஆக்கம் (=செயல்) + அறை (=இன்மை) = ஆக்கறை >>> அக்கடை >>> அக்கடா = செயலின்மை = ஓய்வு.
அக்கடி	பயணச் சோர்வு	அக்கடி	அகை (=வருந்து) + அறை (=அலை) + இ = அக்கறி >>> அக்கடி = அலைச்சலால் உண்டாகிய வருத்தம்
அக்கதம், அக்கதை	முழு தானியம்	அக்கற்றம்	அக்கம் (=தானியம்) + அற்றம் (=முடிவு, முழுமை) = அக்கற்றம் >>> அக்கதம் = முழு தானியம்
அக்கப்போர்	வம்புச் சண்டை	ஆக்கப்போர்	ஆக்கம் (=சொல்) + போர் (=சண்டை) = ஆக்கப்போர் >>> அக்கப்போர் = சொல்லால் சண்டை இடுதல்.
அக்கபிரம்	மாமரம்	அகைவீரம்	அகை (=எரி, தளிர்) + வீரை (=மரம்) + அம் = அகைவீரம் >>> அக்கபிரம் = எரிநிறத் தளிர் கொண்ட மரம்.
அக்காரம்	கரும்பு	அக்காரம்	அகம் (=இன்பம்) + ஆர் (=தண்டு, பொருந்து, உண்) + அம் (=நீர்) = அக்காரம் = இனிய நீர் உணவு பொருந்திய தண்டு = கரும்பு
அக்காரம்	சர்க்கரை	அக்காரம்	அகை (=எரி, காய்ச்சு) + ஆர் (=தண்டு, பெறு, உண்) + அம் (=நீர்) = அக்காரம் = தண்டின் நீரைக் காய்ச்சிப் பெற்ற உணவு.
சருக்கரை, சர்க்கரை	கரும்பில் பெற்ற இனிப்பு	அருக்காரை	அருக்கு (=காய்ச்சு) + ஆர் (=தண்டு, பெறு, உண்) + ஐ = அருக்காரை >>> சருக்கரை >>> சர்க்கரை = தண்டிலிருந்து பெற்றுக் காய்ச்சிய உணவு.
சக்கரை	கரும்பில் பெற்ற இனிப்பு	அக்காரை	அகை (=எரி, காய்ச்சு) + ஆர் (=தண்டு, பெறு, உண்) + ஐ = அக்காரை >>> சக்கரை = தண்டிலிருந்து பெற்றுக் காய்ச்சிய உணவு
அக்காரம்	ஆடை	அக்காரம்	அகை (=தடு, மறை) + ஆர் (=அணி) + அம் = அக்காரம் = மறைப்பதற்காக அணியப்படுவது.
அக்கம்	கயிறு	ஆக்கம்	ஆக்கு (=கட்டு) + அம் = ஆக்கம் >>> அக்கம் = கட்ட உதவுவது
அக்கம், அக்கு	கண்	ஆகம்	ஆகம் (=கண்) >>> அக்கம்
அக்கம்	தங்கநாணயம்	ஆக்கம்	ஆக்கம் (=பொன், செய்யப்பட்டது, பணம்) >>> அக்கம் = பொன்னால் செய்யப்பட்ட பணம்.
அக்கம்	பொன்	ஆக்கம்	ஆக்கம் (=பொன்) >>> அக்கம்
அக்கம்	குறுக்குக் கோடு	அக்கம்	அகை (=தடு, குறுக்கிடு) + அம் = அக்கம் = குறுக்கிடுவது = பூகோளத்தின் குறுக்குக்கோடு.
அக்கரம்	மாமரம்	அக்காரம்	அகை (=எரி, தளிர்) + ஆர் (=நிறை) + அம் = அக்காரம் >>> அக்கரம் = எரிநிறத் தளிர் நிறைந்தது.
அக்கரம்	எழுத்து, கல்வி	ஆக்கறம்	ஆக்கு (=உருவாக்கு) + அறி + அம் = ஆக்கறம் >>> அக்கரம் = அறிவதற்காக படைப்பது = எழுத்து, கல்வி.
அக்கரன்	கடவுள்	ஆக்காரன்	ஆக்கு (=படை) + ஆர் (=பூமி, உலகம்) + அன் = ஆக்காரன் >>> அக்கரன் = உலகைப் படைத்தவன் = கடவுள்
அக்கன்	நாய்	அக்கன்	அகை (=செலுத்து, ஏவு) + அன் = அக்கன் = ஏவப்படுபவன்.
அகதி, அக்கத்தி	வீட்டை இழந்தவன்	அக்கற்றி	அகம் (=வீடு, இடம்) + அறு (=இல்லாகு, இழ) + இ = அக்கற்றி >>> அக்கத்தி >>> அகதி = வீடு / இடத்தை இழந்தவன்.
அக்கி	கண்	ஆகம்	ஆகம் (=கண்) + இ = அக்கி
அக்கி, அங்கி	தீ	அக்கி	அகை (=எரி) + இ = அக்கி = எரிவது = தீ.
அக்கிரணி	முதல்வன்	அக்கிறாணி	அகம் (=இடம்) + இறை (=தலைமை) + ஆண் + இ = அக்கிறாணி >>> அக்கிரணி = தலைமை இடத்து ஆண்.
அக்கிரம்	முதன்மை, உச்சி, நுனி	அக்கிறம்	அகம் (=இடம்) + இறை (=தலைமை) + அம் = அக்கிறம் >>> அக்கிரம் = தலைமை இடம் = முதன்மை, உச்சி, நுனி.
அக்கிரமம்	அநீதி	அக்கிறைமம்	அகை (=முறி) + இறை (=நீதி) + மம் = அக்கிறைமம் >>> அக்கிரமம் = முறிக்கப்பட்ட நீதி.
அக்கிராசனம்	அவைத் தலைமை	அக்கிரசனம்	அக்கிரம் (=முதன்மை) + சனம் (=மக்கள் கூட்டம்) = அக்கிரசனம் >>> அக்கிராசனம் = மக்கள் கூட்டத்தின் முதன்மை
அக்கிராசனர்	அவைத் தலைவர்	அக்கிரசனர்	அக்கிரம் (=முதன்மை) + சனம் (=மக்கள் கூட்டம்) + அர் = அக்கிரசனர் >>> அக்கிராசனர் = மக்கள் கூட்டத்தின் முதல்வர்.
அக்கினி	பசி, தீ	அக்கினி	அகம் (=வயிறு, பொருள்) + இனை (=எரி) + இ = அக்கினி = (1) வயிற்றுள் எரிவது  (2) பொருளை எரிப்பது.
அக்கு	எலும்பு	ஆக்கூ	ஆக்கம் (=உறுதி) + ஊ (=தசை) = ஆக்கூ >>> அக்கு = தசைக்கு உறுதியாக இருப்பது = எலும்பு
அக்கு	காளையின் திமில்	ஆக்கூ	ஆக்கம் (=உறுதி, உயர்வு, மிகுதி) + ஊ (=தசை) = ஆக்கூ >>> அக்கு = உறுதியான உயர்ந்த மிகுதியான தசை.
அக்கு, அக்குசு	பற்று, உரிமை	அகம்	அகம் (=பொருள், இடம், அன்பு, பற்று) + உ = அக்கு = பொருளின் / இடத்தின் மீதான பற்று = உரிமை.
அக்குணி	மிகச்சிறிய அளவினது	அக்குணி	அஃகு (=சுருங்கு, நுணுகு) + உண்மை (=தன்மை) + இ = அக்குணி = நுணுகிய தன்மை கொண்டது.
அகங்காரம்	செருக்கு	அகங்கரம்	அகம் (=செருக்கு) + கரம் = அகங்கரம் >>> அகங்காரம்.
அகங்காரம்	கடும் கோபம்	அகைக்கறம்	அகை (=உயர், மிகு) + கறு (=சின) + அம் = அகைக்கறம் >>> அகங்காரம் = மிகுந்த சினம்
அகங்கரி	செருக்கு, சின	அகங்கரி	அகங்காரம் (=செருக்கு, கோபம்) >>> அகங்கரி = செருக்குறு, சின
அகசியம்	பகடி, ஏளனம்	அகயியம்	அகை (=மலர், சிரி) + இயம் (=சொல், பேச்சு) = அகயியம் >>> அகசியம் = சிரிப்பூட்டும் பேச்சு = பகடி, ஏளனம்.
அகசு	பகல்	அகாயு	அகை (=எரி, ஒளிர்) + ஆயு (=காலம்) = அகாயு >>> அகசு = ஒளிரும் காலம் = பகல்.
அகடியம்	அநீதி	அகறியம்	அகை (=முறி) + அறம் (=நீதி) + இயம் = அகறியம் >>> அகடியம் = முறிக்கப்பட்ட நீதி.
அகண்டம், அகண்டிதம்	முழுமை	அகற்றம்	அகை (=முறி, அறு) + அற்றம் (=இன்மை) = அகற்றம் >>> அகட்டம் >>> அகண்டம் = முறிக்கப் / அறுக்கப் படாதது = முழுமையானது
அகண்டம்	வட்டமான விளக்கு	அகண்டம்	அகை (=எரி, ஒளிர்) + அண்டு (=வளையம், வட்டம்) + அம் = அகண்டம் = வட்டமான விளக்கு.
அகண்டன், அகண்டிதன்	கடவுள்	அகண்டன்	அகண்டம் (=முழுமை) >>> அகண்டன் = முழுமையானவன்
அகண்ணியம்	அவமானம்	அகண்ணியம்	அகை (=மதி) + அணை (=கெடு) + இயம் (=சொல்) = அகண்ணியம் = மதிப்பைக் கெடுக்கும் சொல்.
அகத்தாழம்	மாலைநேர்ம்	அகைத்தாழம்	அகை (=எரி, ஒளிர்) + தாழ் (=குறை) + அம் = அகைத்தாழம் >>> அகத்தாழம் = ஒளி குறையும் காலம் = மாலைப் பொழுது
அகந்தை	செருக்கு	அகந்தை	அகம் (=செருக்கு) + தை = அகந்தை.
அகம்	மரம்	அகம்	அகை (=தோன்று, கிளை, செழி, வளர், உயர்) + அம் = அகம் = தோன்றிக் கிளைத்து உயர்ந்து வளர்வது.
அகம்	பூமி	அகம்	அகம் (=இடம்) >>> அகம் = பூமி
அகம்	மலை	அகம்	அகை (=தோன்று, உயர்) + அம் = அகம் = உயர்ந்து தோன்றுவது
அகம்	பாவம், குற்றம்	அகம்	அகை (=அடி, வருத்து, அறு, கொல்) + அம் = அகம் = அடித்தல், கொல்லுதல், வருத்துதல் = குற்றம், பாவம்.
அகம்	கறை	அழுக்கு	அழுக்கு (=கறை) + அம் = அழுக்கம் >>> அய்க்கம் >>> அகம்
அகம்	ஆசை, அன்பு	ஏக்கம்	ஏக்கம் (=ஆசை, விருப்பம்) >>> அகம்
அகம்	செருக்கு	அகம்	அகை (=பிரி, தனி, உயர், மதி, எண்ணு) + அம் = அகம் = தானே உயர்வு என்று எண்ணுதல்.
அகம்	உயிர்	அகம்	அகை (=தோன்று, செலுத்து, இயக்கு) + அம் = அகம் = தோன்றி இயக்குவது = உயிர்.
அகம்	மனம்	அகம்	அகை (=மதி, எண்ணு) + அம் = அகம் = எண்ணம் = மனம்.
அகம்	பொருள்	ஆக்கம்	ஆக்கம் (=பொருள்) >>> அகம்
அகம்	நீர்	ஆக்கம்	ஆக்கம் (=நீர்) >>> அகம்
அகம்பன்	அசைவு இல்லாதவன்	அகவ்வன்	அகை (=செல், அசை) + அவி (=கெடு, இல்லாகு) + அன் = அகவ்வன் >>> அகம்பன் = அசைவு இல்லாதவன்.
அகம்மியம்	அணுகக் கூடாதது / இயலாதது	அகவ்வியம்	அகை (=செல், அணுகு) + அவி (=கெடு, இல்லாகு) + இயை + அம் = அகவ்வியம் >>> அகம்மியம் = அணுகக் கூடாதது, அணுக இயலாதது.
அகம்மியம்	அறியக் கூடாதது / இயலாதது	அகவ்வியம்	அகை (=மதி, அறி) + அவி (=கெடு, இல்லாகு) + இயை + அம் = அகவ்வியம் >>> அகம்மியம் = அறியக் கூடாதது, அறிய இயலாதது.
அகமம்	மரம்	அகம்	அகம் (=மரம்) + அம் = அகமம்
அகமருடணம், அகமருடம்	பாவத்தை மாற்றுதல்	அகமருட்டணம்	அகம் (=பாவம்) + மருட்டு (=மாற்று) + அணம் = அகமருட்டணம் >>> அகமருடணம் = பாவத்தை மாற்றுதல்.
அகர்த்தவியம்	செய்யக் கூடாதது	ஆக்கார்தபியம்	ஆக்கு (=செய்) + ஆர் (=பொருந்து) + தபு (=கெடு) + இயம் = ஆக்கார்தபியம் >>> அகர்த்தவியம் = பொருத்தம் கெட்ட செயல்.
அகர்முகம்	வைகறை	அகரிமுகம்	அகை (=எரி, ஒளிர்) + அரி (=பொழுது) + முகை (=தோன்று) + அம் = அகரிமுகம் >>> அகர்முகம் = ஒளி தோன்றும் பொழுது
அகரம்	பாதரசம்	ஆய்கறம்	ஆய் (=ஒளி, வெண்மை) + கறை (= நஞ்சு) + அம் (=நீர்) = ஆய்கறம் >>> ஐகரம் >>> அகரம் = வெண்மையாய் ஒளிரும் நச்சு நீர்.
அகரம்	ஊர்	அகாரம்	அகம் (=இடம்) + ஆர் (=நிறை, பொருந்து, தங்கு, கூடு) + அம் = அகாரம் >>> அகரம் = நிறைவாய்க் கூடித் தங்கும் இடம்.
அகராதி	அ எழுத்தில் தொடங்குவது	அகராதி	அகரம் (= அ எழுத்து) + ஆதி (=தொடக்கம்) = அகராதி = அ எழுத்தில் தொடங்குவது.
அகளங்கம்	தூய்மை	அகலகம்	அகல் (=நீங்கு) + அகம் (=கறை) = அகலகம் >>> அகளங்கம் = கறை நீங்கியது.
அகளம்	உடல்/வடிவம் இன்மை	ஆகலம்	ஆகம் (=உடல், வடிவம்) + அல் (=எதிர்மறை) + அம் = ஆகலம் >>> அகளம் = உடல் / வடிவம் இன்மை.
அகற்பம்	இயற்கை	அகரும்பம்	அகை (=பிரி, தனி) + அரும்பு (=தோன்று) + அம் = அகரும்பம் >>> அகர்ப்பம் >>> அகற்பம் = தானே தோன்றியது.
அகற்பன்	கடவுள்	அகரும்பன்	அகை (=பிரி, தனி) + அரும்பு (=தோன்று) + அன் = அகரும்பன் >>> அகர்ப்பன் >>> அகற்பன் = தானே தோன்றியவன்.
அகச்`மாத்து, அகசுமாத்து	திட்டமிடாமல் நிகழ்வது	அகைமத்து	அகை (=அறு, இல்லாகு, தோன்று, நிகழ்) + மதி (=எண்ணு, திட்டமிடு) + உ = அகைமத்து >>> அகய்மாத்து >>> அகச்`மாத்து = திட்டமிடாமல் நிகழ்வது.
அகாடி	முன்புறம்	அகாடி	அகை (=தோன்று) + அடி (=முதல்) = அகாடி = முதலில் தோன்றுவது = முன்புறம்.
அகாதம்	மிக்க ஆழம்	அகாழுந்தம்	அகை (=தாமதி, நீளு) + அழுந்து (=ஆழம்) + அம் = அகாழுந்தம் >>> அகாய்த்தம் >>> அகாதம் = நீண்ட ஆழம்.
அகாதம்	ஆழம் மிக்க நீர்	அகாழுந்தம்	அகை (=செழி, மிகு) + அழுந்து (=ஆழம்) + அம் (=நீர்) = அகாழுந்தம் >>> அகாய்த்தம் >>> அகாதம் = ஆழம் மிகுந்த நீர்.
அகாரம்	வீடு	அகாரம்	அகம் (=இடம்) + ஆர் (=தங்கு) + அம் = அகாரம் = தங்குமிடம்
அகி	பாம்பு	ஆய்கை	ஆய் (=கொத்து, நஞ்சு) + கை  (=சின, செலுத்து) = ஆய்கை >>> ஆகி >>> அகி = சினம்கொண்டு கொத்தி நஞ்சைச் செலுத்துவது.
அகி	இரும்பு	அயகை	அயம் (=உலோகம்) + கை (=வலிமை) = அயகை >>> ஆகி >>> அகி = வலுவான உலோகம்
அகிஞ்சனன்	ஏழை	அகிஞ்சாணன்	அகம் (=வயிறு) + இஞ்சு (=வற்று, சுருங்கு) + ஆணம் (=பொருள்) + அன் = அகிஞ்சாணன் >>> அகிஞ்சனன் = வயிறும் பொருளும் வற்றிச் சுருங்கியவன்.
அகிஞ்சை, அகிம்சை	துன்புறுத்தாமை	அகிஞ்சை	அகை (=வருத்து, அடி) + இஞ்சு (=வற்று, இல்லாகு) + ஐ = அகிஞ்சை >>> அகிம்சை = வருத்துதல் இல்லாதது.
அகிதம்	துன்பம்	அகிதம்	அகை (=வருத்து, அடி) + இதம் = அகிதம் = வருத்தம், துன்பம்
அகிதம்	இடையூறு	அகிதம்	அகை (=தடு) + இதம் = அகிதம் = தடை, இடையூறு.
அகிதன்	பகைவன்	அகிதன்	அகிதம் (=இடையூறு) + அன் = அகிதன் = இடையூறு செய்பவன்
அகிருத்தியம்	செய்யக் கூடாதவை	அகிறுத்தியம்	அகை (=தடு) + இறுத்து (=செய்) + இயம் = அகிறுத்தியம் >>> அகிருத்தியம் = தடுக்கப்பட்ட செயல்.
அகிலம்	பூமி	அகிலம்	அகை (=செழி, பெரு) + இல் (=வீடு) + அம் = அகிலம் = பெரிய வீடு
அகிலம்	பிரபஞ்சம், பெருவெளி	அகிலம்	அகை (=செழி, பெரு) + இல் (=இடம், வெளி) + அம் = அகிலம் = பெருவெளி, பேரிடம், பிரபஞ்சம்.
அகிலம்	முழுமை	அகிலம்	அகை (=கிளை, பிரி) + இலம் (=இன்மை) = அகிலம் = பிரிவற்றது
அகிலம்	நீர், மழை, கடல்	ஆக்கிளம், அகிளம்	(1) ஆக்கம் (=படைப்பு) + இளை (=மேகம்) + அம் = ஆக்கிளம் >>> அகிலம் = மேகத்தின் படைப்பு = மழை, நீர். (2) அகம் (=பூமி) + இளை (=கட்டுவேலி) + அம் = அகிளம் >>> அகிலம் = பூமிக்குக் கட்டுவேலியாய் இருப்பது = கடல், நீர்.
அகுட்டம்	மிளகு	அகூட்டம்	அகை (=எரி, மிகு) + ஊட்டம் (=உணவு) = அகூட்டம் >>> அகுட்டம் = எரிச்சல் மிக்க உணவு.
அகுதி	வீட்டை இழந்தவன்	அகிறி	அகம் (=வீடு, இடம்) + இறு (=வீழ், தோலு, இழ) + இ = அகிறி >>> அகுதி = வீட்டை / இடத்தை இழந்தவன்.
அகோரம்	கடுங்கோபம்	அகோறம்	அகை (=எரி, சின) + உறு (=மிகுதி) + அம் = அகோறம் >>> அகோரம் = மிகுந்த சினம்
அங்கணம்	முற்றம்	அக்காணம்	அகை (=செல், முற்படு) + ஆணம் (=வீடு, இடம்) = அக்காணம் >>> அங்கணம் = வீட்டின் முன்புள்ள இடம்.
அங்கணம்	சாக்கடை, சேறு	அக்காணம்	அக்கு (=கறை) + ஆணம் (=குழம்பு) = அக்காணம் >>> அங்கணம் = கறையுடைய குழம்பு = சாக்கடை, சகதி.
அங்கணம்	இடம்	அக்கணம்	அகம் (=இடம்) + அணம் = அக்கணம் >>> அங்கணம்
அங்கணம்	கட்டட அறைகள்	அக்காணம்	அகை (=தடு, பிரி) + ஆணம் (=வீடு) = அக்காணம் >>> அங்கணம் = வீட்டின் தடுக்கப்பட்ட பிரிவுகள்.
அங்கணம்	தூண்களின் இடைவெளி	அக்காணம்	அகை (=இடைவெளி) + ஆணம் (=தூண்) = அக்காணம் >>> அங்கணம் = தூண்களுக்கு இடையிலான வெளி.
அங்கணி, அங்கனி	கற்றாழை	அக்காணி	அகை (=அறு, வெளிப்படுத்து, எரி, ஒளிர்) + ஆணம் (=குழம்பு) + இ = அக்காணி >>> அங்கணி = அறுத்தால் ஒளிரும் குழம்பினை வெளிப்படுத்துவது.
அங்கதம்	ஒருவகை வசைச்சொல்	அங்கறம்	அங்கம் (=உறுப்பு) + அறை (=சொல், பள்ளம், தாழ்வு) + அம் = அங்கறம் >>> அங்கதம் = உறுப்புப் பெயர்சொல்லி தாழ்த்துதல்..
அங்கதம்	பொய்	ஆக்கறம்	ஆக்கம் (=உண்மை) + அறு (=இல்லாகு) + அம் = ஆக்கறம் >>> அங்கதம் = உண்மை இல்லாதது.
அங்கதம்	தோள் வளையம்	அக்காதம்	ஆகம் (=மார்பு, தோள்) + ஆதி (=வட்டம், வளையம்) + அம் = அக்காதம் >>> அங்கதம் = தோள் வளையம்.
அங்கதம்	பாம்பு	அக்கறம், அங்கறம்	(1). அகம் (=வயிறு) + அறு (=செல்) + அம் = அக்கறம் >>> அங்கதம் = வயிற்றால் செல்வது. (2) அங்கம் (=விசம்) + அறு (=கொல்) + அம் = அங்கறம் >>> அங்கதம் = விசத்தால் கொல்வது.
அங்கம்	உடல்	ஆகம்	ஆகம் (=உடல்) >>> அக்கம் >>> அங்கம்
அங்கம்	உறுப்பு, பிரிவு	அக்கம்	அகை (=கிளை, பிரி) + அம் = அக்கம் >>> அங்கம் = பிரிவு, உறுப்பு
அங்கம்	எலும்பு	அக்கு	அக்கு (=எலும்பு) + அம் = அக்கம் >>> அங்கம்
அங்கம்	உயிர்	அகம்	அகம் (=உயிர்) >>> அக்கம் >>> அங்கம்
அங்கம்	விசம்	அக்கம்	அகை (=கொல்லு) + அம் (=உணவு) = அக்கம் >>> அங்கம் = கொல்லும் உணவு = விசம்.
அங்கம்	அடையாளம்	அக்கம்	அகை (=தோன்று, அறி) + அம் = அக்கம் >>> அங்கம் = அறியப்படும் தோற்றம் = அடையாளம்.
அங்கம்	அழகு	அக்கம்	அகை (=ஒளிர், தோன்று) + அம் = அக்கம் >>> அங்கம் = ஒளிரும் தோற்றம் = அழகு.
அங்கம்	இடம்	அகம்	அகம் (=இடம்) >>> அக்கம் >>> அங்கம்
அங்கம்	போர்	அக்கம்	அகை (=தாக்கு, வெட்டு, கொல்) + அம் = அக்கம் >>> அங்கம் = தாக்கி / வெட்டிக் கொல்வது = போர்.
அங்கம்	கட்டில்	அக்கம்	அகை (=தாமதி, சோர், தூங்கு, உயர்) + அம் = அக்கம் >>> அங்கம் = தூங்குவதற்கான உயரமான இடம்.
அங்கம்	பொருள்	ஆக்கம்	ஆக்கம் (=பொருள்) >>> அங்கம்
அங்கமணி	சீதனம்	அங்கமணீ	அங்கம் (=பொருள்) + மணம் + ஈ (=கொடு) = அங்கமணீ >>> அங்கமணி = திருமணத்தில் கொடுக்கப்படும் பொருள்.
அங்கரக்கா	நீண்ட அங்கி	அக்காராக்கம்	அகை (=தாமதி, நீளு) + ஆர் (=அணி) + ஆக்கம் (=ஆடை) = அக்காராக்கம் >>> அங்கரக்கா = நீளமாக அணியப்படும் ஆடை.
அங்கலாய்	மனம் கலங்கு	அக்கலை	அகம் (=மனம்) + அலை (=கலங்கு) = அக்கலை >>> அங்கலாய் = மனம் கலங்கு
அங்கவடி	குதிரையில் ஏறும் படி	அகைப்படி	அகை (=உயர், ஏறு) + படி = அகைப்படி >>> அகப்படி >>> அங்கவடி = ஏறுவதற்கான படி.
அங்கன்	மகன்	அக்கன்	அகை (=தோன்று, பிற) + அன் = அக்கன் >>> அங்கன் = பிறந்தவன்
அங்கனை	பெண்	அக்காணை	அகம் (=அன்பு, காதல்) + ஆண் + ஐ = அக்காணை >>> அங்கனை = ஆணைக் காதலிப்பவள்.
அங்காடி	கடை	அக்கடி	அகம் (=பொருள், இடம்) + அடை (=விலை, பெறு) + இ = அக்கடி >>> அங்காடி = பொருளை விலைக்குப் பெறும் இடம்.
அங்காமி	நிரந்தரம் இல்லாத	அற்கவி	அற்கு (=நிலைபெறு) + அவி (=கெடு, அழி) = அற்கவி >>> அக்கமி >>> அங்காமி = நிலையற்ற
அங்காரகம்	மரக்கரி	அக்கரகம்	அகை (=எரி, அறு, துண்டாக்கு) + அரை (=பாதி) + அகம் (=மரம்) = அக்கரகம் >>> அங்காரகம் = பாதி எரிந்த மரத் துண்டுகள்.
அங்காரகன்	நெருப்பு	அக்காரகன்	அகை (=எரி) + ஆர் (=உண்ணு) + அகம் (=பொருள்) + அன் = அக்காரகன் >>> அங்காரகன் = பொருளை எரித்து உண்பவன்
அங்காரிகை	கரும்பு	அக்காரிகை	அகம் (=இனிமை, நீர்) + ஆர் (=தண்டு) + இகு (=கொடு) + ஐ = அக்காரிகை >>> அங்காரிகை = இனிய நீரைத் தரும் தண்டு
அங்கி	முழுமை, முதன்மை	அங்கி	அங்கம் (=பிரிவு) + இ = அங்கி = பிரிவை உடையது = முழுமை, முதன்மை
அங்கி	நீளமானது	அக்கி	அகை (=தாமதி, நீளு) + இ = அக்கி >>> அங்கி = நீளமானது
அங்கி	சூரியன்	அக்கீ	அகை (=உயர், எரி, ஒளிர்) + ஈ (=கொடு) = அக்கீ >>> அங்கி = உயரத்தில் இருந்து வெப்பமும் ஒளியும் தருபவன்
அங்கிசம்	உறுப்பு, கிளை, பிரிவு	அக்கியம்	அகை (=கிளை, பிரி) + இயை (=பொருந்து) + அம் = அக்கியம் >>> அங்கிசம் = பிரிவு பொருந்தியது.
அங்கிதம்	தழும்பு, அடையாளம்	அக்கிறம்	அகை (=தோன்று, அறு, கீறு) + இறு (=தங்கு) + அம் = அக்கிறம் >>> அங்கிதம் = கீறலின் தங்கிய தோற்றம் = தழூம்பு, அடையாளம்
அங்கிரி	பாதம்	அங்கிரி	அங்கம் (=இடம், நிலம், உறுப்பு, உடல்) + இரு (=தங்கு, பதி) + இ = அங்கிரி = நிலத்தில் பதியும் உடல் உறுப்பு
அங்கிரி	மரம்	அங்கிறி	அங்கம் (=நிலம், உயிர்) + இறை (=உயரம், தங்கல்) + இ = அங்கிறி >>> அங்கிரி = நிலத்தில் பொருந்தி உயரும் உயிரி.
அங்கீகாரம், அங்கீகரணம்	ஒப்புதல் வழங்கல்	அக்கிகாரம்	அகம் (=மனம், கருத்து) + இகு (=கொடு) + ஆர் (=பொருந்து, ஒப்பு) + அம் = அக்கிகாரம் >>> அங்கீகாரம் = ஒப்புதல் கருத்து வழங்கல்
அங்கீகரி	ஒப்புதல் வழங்கு	அக்கிகாரி	அகம் (=மனம், கருத்து) + இகு (=கொடு) + ஆர் (=பொருந்து, ஒப்பு) + இ = அக்கிகாரி >>> அங்கீகரி = ஒப்புதல் கருத்து வழங்கு.
அங்கீகாரம்	வரவேற்பு	அக்கிங்காரம்	அகம் (=வீடு) + இங்கு (=புகு, நுழை) + ஆர் (=ஒப்பு, ஏற்றுக்கொள்) + அம் (=சொல்) = அக்கிங்காரம் >>> அங்கீகாரம் = வீட்டுக்குள் நுழைவதை ஏற்றுக்கூறும் சொல்.
அங்குசம்	வாழை	அக்கூழம்	அகை (=செழி, எரி, ஒளிர்) + ஊழ் (=பழு) + அம் = அக்கூழம் >>> அங்குசம் = ஒளிர்கின்ற செழிப்பான பழம்.
அங்குசம்	செலுத்துகின்ற கூர்ம்பொருள்	அக்குயம்	அஃகம் (=கூர்மை) + உய் (=செலுத்து, பயன்கொள்) + அம் = அக்குயம் >>> அங்குசம் = செலுத்தப் பயன்படும் கூர்ம்பொருள்.
அங்குசவி	கொள்ளு	அக்குழமி	அஃகம் (=தானியம்) + உழ (=சுற்று, வட்டமிடு) + அம் (=உணவு) + இ = அக்குழமி >>> அங்குசவி = வட்டமான தானிய உணவு.
அங்குட்டம்	பெருவிரல்	அங்கூன்றம்	அங்கை (=விரல்) + ஊன்று (=அழுந்தவை) + அம் = அங்கூன்றம் >>> அங்குட்டம் = அழுந்த வைக்கப்படும் விரல்.
அங்குரம்	முளை	அக்குரம்	அஃகம் (=கூர்மை) + உரு (=தோன்று, பிற) + அம் = அக்குரம் >>> அங்குரம் = கூர்மையுடன் பிறப்பது = முளை.
அங்குரி	முளை	அக்குரி	அக்குரம் (=முளை) >>> அக்குரி >>> அங்குரி
அங்குலம்	விரல் அகலம்	அங்குளம்	அங்கை (=விரல்) + உள் (=இடம், கருது, அள) + அம் =  அங்குளம் >>> அங்குலம் = விரலின் இட அளவு.
அங்குலம், அங்குலி	விரல்	அங்குலம், அங்குலி	அங்கை (=உள்ளங்கை) + உலை (=கலை, பிரி) + அம் = அங்குலம் = உள்ளங்கையில் இருந்து பிரிவது.
அங்குலிகம், அங்குலி, அங்குலியம்	மோதிரம்	அங்குளிங்கம்	அங்கை (=விரல்) + உள் + இங்கு (=அழுத்து, செறி) + அம் = அங்குளிங்கம் >>> அங்குலிகம் = விரலினுள் அழுத்திச் செறிக்கப்படுவது.
அங்குலி தோரணம்	நெற்றியில் வரைந்த தொங்கலணி	அல்குலிழை தோரணம்	அல்குல் (=நெற்றி) + இழை (=வரை) + தோரணம் (=தொங்கல்) = அல்குலிழைதோரணம் >>> அற்குலியைதோரணம் >>> அக்குலீத்தோரணம் >>> அங்குலித்தோரணம் = நெற்றியில் வரையப்பட்ட தொங்கல் அணி.
அங்குத்தான், அங்குச்`தான்	தைப்போர் விரலில் அணியும் கூடு	அங்குற்றான்	அங்கை (=விரல்) + உறை (=குத்து, கூடு) + ஆன் (=நீங்கு, விலகு) = அங்குற்றான் >>> அங்குத்தான் >>> அங்குச்`தான் = விரலில் குத்துவதை விலக்கும் கூடு.
அச்சகாரம்	முன்பணம்	அச்சகாரம்	அச்சு (=ஆதாரம், உறுதி) + அகம் (=பொருள்) + ஆர் (=கட்டு) + அம் = அச்சகாரம் = உறுதிக்காக கட்டப்படும் பொருள்.
அச்சம்	இலேசு	ஆயம்	ஆய் (=மென்மை) + அம் = ஆயம் >>> அச்சம் = மெலிவு, இலேசு
அச்சம்	நஞ்சு	ஆய்	ஆய் (=நஞ்சு) + அம் = ஆயம் >>> அச்சம்
அச்சயன்	கடவுள்	அச்சயன்	அச்சு (=ஆதாரம்) + அயம் (=பூமி, உலகம்) + அன் = அச்சயன் = உலகிற்கு ஆதாரமானவன்
அச்சரம்	எழுத்து	அச்சாரம்	அசை (=சொல்) + ஆர் (=கட்டு, ஒலி) + அம் = அச்சாரம் >>> அச்சரம் = சொல்லைக் கட்டும் ஒலி = எழுத்து.
அச்சாரம்	முன்பணம்	ஆயாரம்	ஆயம் (=உறுதி, பணம்) + ஆர் (=கட்டு) + அம் = ஆயாரம் >>> அச்சாரம் = உறுதிக்காக கட்டப்படும் பணம்
அச்சன்	தந்தை	ஐயன், அய்யன்	ஐயன் (=தந்தை) >>> அய்யன் >>> அச்சன்
அச்சா	நல்லது	ஆயை	ஆயம் (=இலாபம், நன்மை) + ஐ = ஆயை >>> அச்சை >>> அச்சா = நன்மை உடையது.
அச்சாறு	ஊறுகாய்	அச்செயிறு	அசை (=நடுங்கு, உணவு) + எயிறு (=பல்) = அச்செயிறு >>> அச்சேறு >>> அச்சாறு = பற்களை நடுங்கச் செய்யும் உணவு.
அச்சானம்	அறியாமை	அச்சாணம்	அசை (=குறை) + ஆணம் (=அறிவு) = அச்சாணம் >>> அச்சானம் = அறிவுக் குறைபாடு.
அச்சாணியம், அச்சானியம்	துன்பக்குறியால் வருந்துகை	அச்சாணியம்	அசா (=துன்பம், வருந்து) + ஆணம் (=தோற்றம், குறி, அறிவு) + இயம் = அச்சாணியம் = துன்பக்குறியை அறிந்து வருந்துதல்.
அச்சிரம்	கடுமையான குளிர்	அச்சீரம்	அசை (=நடுங்கச்செய்) + ஈரம் (=குளிர்) = அச்சீரம் >>> அச்சிரம் = நடுங்கச் செய்யும் குளிர் = கடுங்குளிர்.
அச்சு	சுழற்றும் கிடைமரம்	அச்சு	அசை (=கிட, பொருந்து, கலக்கு, சுழற்று) + உ = அச்சு = கிடையாகப் பொருந்தி சுழலச் செய்வது.
அச்சு	ஆதாரம், மூலம், வலிமை	ஆசு	ஆசு (=பற்றுக்கோடு) >>> அச்சு = ஆதாரம், அடிப்படை, மூலம், உறுதி, வலிமை.
அச்சு	உடல்	அச்சு	அசை (=கட்டு) + உ = அச்சு = கட்டப்பட்டது = உடல்.
அச்சு	கரை, வரப்பு	அச்சு	அசை (=தங்கு, கிட, கட்டு) + உ = அச்சு = தங்குவதற்காக கிடையாகக் கட்டப்பட்டது = கரை, வரப்பு.
அச்சு	உயிர்	அச்சூ	அசை (=தங்கு, இயக்கு + ஊ (=தசை, உடல்) = அச்சூ >>> அச்சு = உடலில் தங்கி இயக்குவது = உயிர்
அச்சு	உயிரெழுத்து	அச்சு	அச்சு (=உயிர், எழுத்து) >>> அச்சு = உயிரெழுத்து.
அச்சுதம்	வாழ்த்தித் தூவப்படுவது	ஆசிறம்	ஆசி (=வாழ்த்து) + இறை (=தூவு) + அம் = ஆசிறம் >>> அச்சிதம் >>> அச்சுதம் = வாழ்த்தித் தூவப்படுவது.
அச்சுதம்	அழிவின்மை	அச்சிறம்	அசை (=நீங்கு, இல்லாகு) + இறு (=அழி) + அம் = அச்சிறம் >>> அச்சுதம் = அழிவு இன்மை.
அச்சுதன்	கடவுள்	அச்சிறன்	அசை (=நீங்கு, இல்லாகு) + இறு (=அழி) + அன் = அச்சிறன் >>> அச்சுதன் = அழிவு இல்லாதவன்
அச்சுவம், அசுவம்	குதிரை	அச்சேவம்	ஆசு (=விரைவு) + ஏ (=ஒப்பு, அம்பு, செருக்கு) + அம் = அச்சேவம் >>> அச்சுவம், அசுவம் = அம்பென விரையும் செருக்குடையது. ஒ.நோ: (1) எய் >>> உய் (=செலுத்து). (2) ஏர் >>> ஊர் (=ஏறு, எழு)
அச்சுறை	உடல்	அச்சுறை	அச்சு (=உயிர்) + உறை (=தங்குமிடம்) = அச்சுறை = உயிர் தங்குமிடம் = உடல்.
ச~ட்டு	ஆறு	ஆறு	ஆறு >>> சாடு >>> ச~ட்டு
ச~ரப்	கள், மது	அருப்பம்	அருப்பம் (=கள்) >>> சருப்பம் >>> ச~ரப்
ச~ராய்	அரைக்கால் சட்டை	அராய்	அரை (=இடுப்பு, பாதி) + ஆய் (=கொய், அசை) = அராய் >>> ச~ராய் = பாதியாகக் கொய்யப்பட்டு இடுப்பில் அசைவது.