75 - (இலத்தி -> உத்தாபி) சமக்கிருதத்தில் உள்ள நேரடி & மூலத் தமிழ்ச் சொற்களின் தோற்றம்

 

சொல்	பொருள்	தமிழ்ச் சொல்	மூலச்சொல்லும் தோன்றும் முறையும்
இலத்தி, இலத்தை, லத்தி	விலங்கின் மலம்	இளேற்றி	இளி (=உரி, கழி) + ஏறு (=அழிவு, கேடு, விலங்கு, பொருள்) + இ = இளேற்றி >>> இளத்தி >>> இலத்தி = விலங்கு கழிக்கும் கெட்டபொருள்..
இலண்டம்	விலங்கின் மலம்	இளேற்றம்	இளி (=உரி, கழி) + ஏறு (=அழிவு, கேடு, விலங்கு, பொருள்) + அம் = இளேற்றம் >>> இளட்டம் >>> இலண்டம் = விலங்கு கழிக்கும் கெட்டபொருள்..
இலதை	படர்கொடி	இலாதை	இல் (=நீங்கு, செல்) + ஆதி (=சுற்று, அடிப்படை, பற்றுக்கோடு) + ஐ = இலாதை >>> இலதை = பற்றுக்கோட்டைச் சுற்றிச் செல்வது.
இலாபம், லாபம்	ஆதாயம், மிகுதி	இலவம்	இல் (=இன்மை, எதிர்மறை) + அவம் (=வீண், நட்டம்) = இலவம் >>> இலாபம் = நட்டத்தின் எதிர்மறை = ஆதாயம், மிகுதி
இலபி	பயனடை	இலபி	இலாபம் (=ஆதாயம்) >>> இலபி = ஆதாயம் பெறு, பயனடை
இலம்பகம்	பூமாலை	இலாப்பாக்கம்	இலை (=பூ) + ஆப்பு (=கட்டு) + ஆக்கம் (=செய்யப்பட்டது) = இலாப்பாக்கம் >>> இலம்பகம் = பூக்களைக் கட்டிச் செய்யப்பட்டது.
இலம்பம், இலம்பனம்	பூமாலை	இலாப்பம்	இலை (=பூ) + ஆப்பு (=கட்டு) + அம் = இலாப்பம் >>> இலம்பம் = பூக்களால் கட்டப்பட்டது.
இலம்பம், இலம்பனம்	செங்குத்து	இலவ்வம்	இல் (=இன்மை) + அவ்வி (=கோணு, சாய்) + அம் = இலவ்வம் >>> இலம்பம் = கோணல் / சாய்வு இல்லாதது = நேரானது, செங்குத்து.
இலம்பம், இலம்பனம்	தொங்கல்	இலம்மம்	இல் (=இன்மை) + அமை + அம் = இலம்மம் >>> இலம்பம் = அமைவு இல்லாதது = தொங்கல்.
இலம்பு, லம்பு	தொங்கு	இலம்பு	இலம்பம் (=தொங்கல்) >>> இலம்பு = தொங்கு
இலயம், லயம்	பூமியின் அழிவு	இலயம்	இல் (=இல்லாகு, அழி) + அயம் (=இடம், பூமி) = இலயம் = பூமியின் அழிவு.
இலயம், லயம்	சேர்க்கை, இணைப்பு	இலாயம்	இல் (=இன்மை) + ஆய் (=நீக்கு, பிரி) + அம் = இலாயம் >>> இலயம் = பிரிவு இல்லாமை = சேர்க்கை.
இலயி, லயி	ஒன்றுசேர்	இலயி	இலயம் (=சேர்க்கை) >>> இலயி = சேர், இணை
இலயி, லயி	அழி	இலயி	இலயம் (=அழிவு) >>> இலயி = அழி
இலலாடம், இலாடம்	நெற்றி	இலலாடம்	(2) இல் (=இடம், மனைவி, பெண்) + அலை + ஆடு (=பூசு, வரை) + அம் = இலலாடம் = பெண்கள் அலைவடிவங்களைப் பூசி வரையும் இடம்.
இலவங்கம், இலவம்	கிராம்பூ	இலவக்கம்	இலை (=பூ) + அவி (=உலர், உணவு) + அகை (=எரி, முறி) + அம் = இலவக்கம் >>> இலவங்கம் = முறிந்து உலர்ந்த எரிச்சல்தரும் பூவுணவு
இலவணம்	உப்பு	இலவானம்	இலம் (=வறுமை, சிறுமை) + வான்மை (=வெண்மை) + அம் (=உணவு, இனிமை) = இலவானம்  >>> இலவணம் = உணவில் இனிமைக்கான சிறுத்த வெண்ணிறப் பொருள்.
இலவம்	சிறுமை	இலவம்	இலம் (=வறுமை, சிறுமை) + அம் = இலவம்
இலாக்கா, இலாகா	இடப்பிரிவு, துறை	இலக்கா	இல் (=இடம்) + அகை (=பிரி) + ஆ = இலக்கா >>> இலாக்கா = இடத்தின் பிரிவு.
இலாக்கிரி	செம்மெழுகு	இளக்கிரி	இளை (=மெலி) + அகை (=எரி, தீ) + இரி (=ஓடு, ஒழுகு) = இளக்கிரி >>> இலாக்கிரி = எரித்தால் ஒழுகும் மென்மையும் தீநிறமும் கொண்டது.
இலாகவம்	திறமை	எளாக்கவம்	எளிமை + ஆக்கம் (=செயல்) + அம் = எளாக்கவம் >>> இலாகவம் = எளிதாகச் செய்தல் = திறமை.
இலாவகம்	திறமை	இலவாக்கம்	இலம் (=எளிமை) + ஆக்கம் (=செயல்) = இலவாக்கம் >>> இலாவகம் = எளிதாகச் செய்தல் = திறமை
இலாகிரி	போதை, கள்வெறி	இலாக்கிறி	இலம் (=வறுமை, சிறுமை) + ஆக்கம் (=அறிவு) + இறு (=கெடு) + இ = இலாக்கிறி >>> இலாகிரி = அறிவைக் கெடுத்துச் சிறுமைப்படுத்துவது.
இலாகு	தாங்கல்	எலாகு	ஏல் (=மேற்கொள்) + ஆகம் (=உடல், மார்பு, தோள்) + உ = எலாகு >>> இலாகு =  தோளின் மேல் கொள்ளுதல்
இலாகை	முறை, விதம்	இலாக்கை	இல் (=துளை, வழி) + ஆக்கம் (=செயல்) + ஐ = இலாக்கை >>> இலாகை = செயலுக்கான வழி
இலாங்கலி	தென்னை	இலங்கலி	இலை (=புல்) + அம் (=நீர், இனிமை) + கலம் (=பாத்திரம்) + இ = இலங்கலி >>> இலாங்கலி = இனியநீர்க் கலமுடைய புல்வகை.
இலாங்கலி	கலப்பை	இலக்கலி	இல் (=துளை, குத்து) + அகம் (=இடம், பூமி) + அலை (=திரி) + இ = இலக்கலி >>> இலாங்கலி = பூமியைக் குத்தியவாறே திரிவது.
இலாங்கூலம்	விலங்கின் வால்	இலங்குலம்	இலம் (=வறுமை, சிறுமை) + அங்கம் (=உடல், உறுப்பு) + உல (=குறை, முடி) + அம் = இலங்குலம் >>> இலாங்கூலம் = உடலில் சிறிதாகக் குறைந்து முடியும் உறுப்பு = விலங்கின் வால்.
இலாசம்	பொறி	எளசம்	எளிமை (=அற்பம், இலேசு) + அசை (=உண்ணு) + அம் = எளசம் >>> இலாசம் = இலேசான உணவு = பொறி.
இலாஞ்சனம், இலாஞ்சனை	முத்திரை	இலச்சணம்	இல் (=துளை, குத்து) + அச்சு (=உடல், வடிவம்) + அணை (=உண்டாக்கு) + அம் = இலச்சணம் >>> இலாஞ்சனம் >>> இலாஞ்சனை = குத்தி உண்டாக்கப்படும் வடிவம்.
இலாஞ்சனம், இலாஞ்சனை	கூச்சம்	இலச்சை	இலச்சை (=கூச்சம்) + அணம் = இலச்சணம் >>> இலாஞ்சனம் >>> இலாஞ்சனை
இலாஞ்சி, இலாய்ச்சி	ஏலக்காய்	அயிலச்சி	அயில் (=நறுமணம்) + அசை (=தட்டு, நசுக்கு, உண்ணு, முடி, சேர்) + இ = அயிலச்சி >>> ஐலாஞ்சி >>> இலாஞ்சி = நறுமணத்திற்காக முடிவில் நசுக்கிச் சேர்க்கும் உணவு.
இலாட்சை	செம்மெழுகு	எலச்சை	எல் (=எரி, தீ) + அசை (=மெலி, செல், ஒழுகு) + ஐ = எலச்சை >>> இலாட்சை = எரித்தால் ஒழுகும் மென்மையும் தீநிறமும் உடையது.
இலாடம்	பாதத்தில் அடிக்குமிரும்பு	அயிலடம்	(2) அயில் (=இரும்பு) + அடி (=அடித்தல், பாதம்) + அம் = அயிலடம் >>> ஐலடம் >>> இலாடம் = பாதத்தில் அடிக்கும் இரும்பு.
இலாமிச்சை, இலாமிச்சு, இலாமச்சை	நறுமண வேருடைய நீண்ட புல்வகை	அயிலவீழை	அயில் (=நறுமணம், புல்) + அம் (=நீளம்) + வீழ் (=வேர்) + ஐ = அயிலவீழை >>> ஐலமீசை >>> இலாமிச்சை = நறுமண வேருடைய நீண்ட புல்வகை.
இலாவணியம்	பசுமை அழகு	இளவணியம்	(2) இளமை (=பசுமை) + அணி (=அழகு) + அம் = இளவணியம் >>> இலாவணியம் = பசுமை அழகு.
இலாவணம்	போருக்கு ஆள் சேர்த்தல்	ஏலாவனம்	ஏல் (=எதிர், போரிடு, தகு) + ஆ (=கட்டு, சேர்) + வனை (=எழுது) + அம் = ஏலாவனம் >>> இலாவணம் = போருக்குத் தகுதியானவரை எழுதிச் சேர்த்தல் = போருக்கு ஆள் சேர்த்தல்.
இலாச்சு^	வைத்தியம்	இலாசு	இல் (=இல்லாக்கு, நீக்கு) + அசா (=துன்பம், நோய்) + உ = இலாசு >>> இலாச்சு^ = நோயை நீக்குதல் = மருத்துவம்.
இலிகிதம்	கடிதம், எழுதப்பட்டது	இலக்கிறம்	இலக்கு (=எழுது) + இறு (=முடி) + அம் = இலக்கிறம் >>> இலக்கிதம் >>> இலிகிதம் = எழுதி முடித்தது = கடிதம்
இலிகுசம்	எலுமிச்சை	எலீகூசம்	எல் (=ஒளி) + ஈ (=கொடு) + கூசு + அம் (=நீர், பழம்) = எலீகூசம் >>> இலிகுசம் = கூசும் நீரைத் தரும் ஒளிமிக்க பழம்.
இலிங்கம்	ஆண் குறி	இல்லிங்கம்	இல்லி (=துளை) + இங்கு (=அழுந்து) + அம் = இல்லிங்கம் >>> இலிங்கம் = துளைக்குள் அழுந்துவது
இலிங்கம்	சிவபெருமானின் ஒளிவடிவம்	இலிகம்	(2) இல் (=வெளி, ஆகாயம்) + இகு (=தாண்டு) + அம் (=ஒளி) = இலிகம் >>> இலிங்கம் = ஆகாயத்தைத் தாண்டிய ஒளி.
இலிங்கம்	சிறுகுறிப்பு, அடையாளம்	இலிங்கம்	இலம் (=வறுமை, சிறுமை) + இங்கம் (=குறிப்பு) = இலிங்கம் = சிறு குறிப்பு = அடையாளம்.
இலிங்கி	துறவி	இலிங்கி	இல் (=வீடு, வீடுபேறு) + இங்கு (=அழுந்து) + இ = இலிங்கி = வீடுபேற்றில் அழுந்தியவர்.
இலிபி	கீறல் தோற்றம், எழுத்து	எலீவி	(2) ஏல் (=பொருந்து, தோன்று) + ஈவு (=பகுப்பு, கீறல்) + இ = எலீவி >>> இலிபி = கீறலால் பொருந்திய தோற்றம்.
இலீலை	விளையாட்டு	இளுலை	இளி (=சிரி) + உலை (=அலை, ஆடு) = இளுலை >>> இலுலை >>> இலீலை = சிரித்து ஆடுதல் = விளையாட்டு.
இலேகர்	தேவர்	இலேகர்	இல் (=ஆகாயம், வானம்) + ஏகு (=கட) + அர் = இலேகர் = வானத்தைக் கடந்தவர்கள் = தேவர்.
இலேகியம்	மென்மையான நெகிழ்பொருள்	இளேகியம்	இளமை (=மென்மை) + ஏகு (=நெகிழ்) + இயம் = இளேகியம் >>> இலேகியம் = மென்மையும் நெகிழ்ச்சியும் உடையது.
இலேசு, இலேசம்	மெலிவானது, அற்ப்மானது	இளேயம்	இளமை (=மென்மை) + ஏய் (=பொருந்து) + அம் = இளேயம் >>> இலேசம் = மென்மை பொருந்தியது = மெலிவானது, அற்பமானது
இலேசுணம்	நுண்பொடி	இலேசினம்	இலேசு (=அற்பம், மென்மை) + இனம் (=பொருள், வகை) = இலேசினம் >>> இலேசுணம் = அற்பமான மென்மையான பொருள் வகை
இலேபனம், இலேபம், இலேபை	பூசுதல், பூச்சு	எலேமணம்	ஏல் (=நீர், பொருத்து) + ஏமம் (=கலக்கம், பொடி) + அணம் = எலேமணம் >>> இலேபனம் = நீரில் பொடியைக் கலக்கிப் பொருந்தச் செய்தல்
இவனட்டம்	மிளகு	எமனற்றம்	ஏமம் (=இரவு, கருமை) + அனற்று (=எரி) + அம் (=உணவு) = எமனற்றம் >>> இவனட்டம் = எரிச்சல் தரும் கருநிற உணவு.
இளை	பூமி	இல்	இல் (=இடம்) + ஐ = இலை >>> இளை
இனன்	சூரியன்	இனன்	இனை (=எரி) + அன் = இனன் = எரிப்பவன்
இனாம்	கொடை	இனம்	ஈனு (=கொடு) + அம் = இனம் >>> இனாம் = கொடை
இச்`திரி	சூட்டினால் துணிதேய்த்தல்	இசத்தெரி	இசி (=இழு) + அத்து (=பொருத்து) + எரி (=வெப்பம்) = இசத்தெரி >>> இச்`திரி = வெப்பத்தைப் பொருத்தி இழுத்தல்.
ஈங்கிசை	துன்பம்	ஈக்கிசை	இகு (=கொல், அழி) + இசை (=இன்பம்) = ஈக்கிசை >>> ஈங்கிசை = இன்பம் இல்லாதது = துன்பம்.
ஈங்கிசை	ஏமாற்றுக் கொலை	ஈக்கிழை	இகு (=கொல்) + இழை (=நெருங்கிப் பழகு) = ஈக்கிழை >>> ஈங்கிசை = நெருங்கிப் பழகிக் கொல்லுதல்.
ஈசன்	இறைவன், அரசன், குரு	ஈசன்	இசை (=பாடு, புகழ்) + அன் = ஈசன் = பாடப்படும் புகழினைக் கொண்டவன் = இறைவன், அரசன், தலைவன், குரு.
ஈச்`வரன், ஈசுவரன், ஈச்சுரன்	இறைவன்	ஈச்சறன்	இசை (=புகழ்) + அறம் (=ஞானம்) + அன் = ஈச்சறன் >>> ஈச்`வரன் = புகழப்பெறும் ஞானம் கொண்டவன் = இறைவன்.
ஈஞ்சை	துன்பம்	இஞ்சை	இஞ்சை (=துன்பம்) >>> ஈஞ்சை
ஈஞ்சை, இஞ்சை	கொலை	ஈயை	ஈ (=அழி, கொல்) + ஐ = ஈயை >>> ஈசை >>> ஈஞ்சை = கொலை
ஈடகம்	விருப்பம்	ஈறகம்	இறை (=மனம், தங்கு) + அகை (=தளிர், தோன்று) + அம் = ஈறகம் >>> ஈடகம் = மனதில் தோன்றித் தங்கியது.
ஈடணை	விருப்பம்	ஈறணை	இறை (=மனம், தங்கு) + அணை (=உண்டாகு, தோன்று) = ஈறணை >>> ஈடணை = மனதில் தோன்றித் தங்கியது.
ஈதி, ஈதை	நாசம், கேடு	ஈறி	இறு (=அழி, கெடு) + இ = ஈறி >>> ஈதி = அழிவு, கேடு
ஈர்சை~	பொறாமை	எரியை	எரி + ஐ = எரியை >>> இரிசை >>> ஈர்சை = எரிச்சல், பொறாமை
ஈழம்	தங்கம்	ஈழம்	இழை (=ஒளிர், அணி) + அம் = ஈழம் = ஒளிரும் அணி
ஈழம்	கள்	ஈழம்	இழி (=இறக்கு) + அம் (=நீர், உணவு, வெண்மை) = ஈழம் = இறக்கப்பட்ட வெண்ணிற நீர் உணவு.
ஈழம்	இலங்கை	ஈழம்	இழை (=சூழ்) + அம் (=நீர்) = ஈழம் = நீரால் சூழப்பட்டது = தீவு
ஈனம்	தாழ்வு, குறைவு	ஈனம்	இனை (=அழி, கெடு, குறை) + அம் = ஈனம் = குறைவு, தாழ்வு, கேடு
ஈனாயம்	இழிவு, தாழ்வு, குறைவு, கேடு	இனையம்	இனை (=அழி, கெடு, குறை) + அம் = இனையம் >>> ஈனாயம் = குறைவு, தாழ்வு, கேடு
உக்கம்	நெருப்பு, தீ	உக்கம்	உகு (=அழி) + அம் (=நீர், நீர்ப்பசை) = உக்கம் = நீரை / நீர்ப்பசையை அழிப்பது, நீரால் அழிவது = தீ
உக்கம்	காளைமாடு	உக்கான்	ஊக்கம் (=வலிமை) + ஆன் (=மாடு) = உக்கான் >>> உக்கம் = வலிமையுள்ள மாடு = காளை.
உக்கம்	தலை	உங்கம்	ஊங்கு (=மேலானது) + அம் = உங்கம் >>> உக்கம் = மேலிருப்பது
உக்காரம்	வாந்தி	உக்காரம்	உகு (=வெளியிடு, கலங்கு) + ஆர் (=உண்ணு) + அம் = உக்காரம் = உண்ட உணவு கலங்கி வெளிப்படுதல் = வாந்தியெடுத்தல்.
உக்காரம், உங்காரம்	முக்கி ஒலித்தல்	உக்காரம்	ஊக்கம் (=முயற்சி, மிகுதி) + ஆர் (=ஒலி) + அம் = உக்காரம் = மிகவும் முயன்று ஒலித்தல்.
உக்கரி	வாந்தியெடு	உக்கரி	உக்காரம் (=வாந்தி) >>> உக்கரி = வாந்தியெடு
உக்கரி	முயன்று ஒலி	உக்கரி	உக்காரம் (=முயன்று ஒலித்தல்) >>> உக்கரி = முயன்று ஒலி
உக்கிரம்	தீ	உக்கீரம்	உகு (=அழி) + ஈரம் = உக்கீரம் >>> உக்கிரம் = ஈரத்தை அழிப்பது = தீ
உக்கிரம்	சினம்	உக்கீரம்	உகு (=அழி) + ஈரம் (=அன்பு, நட்பு) = உக்கீரம் >>> உக்கிரம் = அன்பை / நட்பை அழிப்பது = சினம்.
உக்கிரம்	ஊக்க மிகுதி	உக்கிரம்	ஊக்கம் + இருமை (=பெருமை, மிகுதி) + அம் = உக்கிரம் = ஊக்கமிகுதி
உக்கிரம்	தலைக்காவல்	உக்கிறம்	உக்கம் (=தலை) + இறை (=காவல்) + அம் = உக்கிறம் >>> உக்கிரம் = தலைக்காவல்
உக்கிராணம்	பொருள் வைப்பறை	உக்கிராணம்	ஊக்கம் (=மிகுதி) + இரு + ஆணம் (=பொருள், இடம்) = உக்கிராணம் = மிக்க பொருள் இருக்கும் இடம்.
உக்கிராந்தி, உத்கிராந்தி	இறக்கும் முன் பசுக்கொடை	உங்கிறாத்தி	ஊங்கு (=முன்பு) + இற + ஆ (=பசு) + தா (=கொடு) + இ = உங்கிறாத்தி >>> உக்கிராந்தி = இறக்கும் முன்பு பசுமாட்டினைக் கொடுத்தல்.
உக்கிருட்டம், உத்கிருச்~டம்	மேன்மை	உக்கிரீட்டம்	ஊக்கம் (=மிகுதி) + இருமை (=பெருமை) + ஈடு (=நிலை) + அம் = உக்கிரீட்டம் >>> உக்கிருட்டம் = பெருமை மிக்க நிலை.
உக்குமம்	ஏவல், கட்டளை	உக்குமம்	ஊக்கு (=தூண்டு) + மம் = உக்குமம் = தூண்டுவது = ஏவல், கட்டளை
உகம், யுகம்	இறந்த காலம்	உகம்	(2) உகு (=கழி, இற) + அம் (=காலம்) = உகம் >>> யுகம் = கழிந்த / இறந்த காலம்.
உகம், யுகம்	சோடி	உகம்	(2) உக (=பொருந்து, இணை) + அம் = உகம் = இணைந்தது, சோடி
உகம், யுகம்	பூமி	உங்கம்	(2) ஊங்கு (=மிகுதி, பெருமை) + அம் (=இடம்) = உங்கம் >>> உகம் >>> யுகம் = மிகப் பெரிய இடம் = பூமி
உகம், யுகம்	நுகம்	உகம்	(2) உகை (=பதி, செலுத்து) + அம் (=இடம், பூமி) = உகம் >>> யுகம் = பூமியில் பதித்துச் செலுத்தப் படுவது = நுகம்.
உகளம்	சோடி	உகளம்	உக (=பொருந்து) + அளை (=கூடு) + அம் = உகளம் = கூடிப் பொருந்தியது = சோடி.
உகாந்தம்	உலக முடிவு	உகந்தம்	உகம் (=பூமி, உலகம்) + அந்தம் (=முடிவு) = உகந்தம் >>> உகாந்தம் = உலக முடிவு.
உங்காரம்	உங் எனும் வண்டொலி	உங்கரம்	உங் + அரி (=வண்டு, ஒலி) + அம் = உங்கரம் >>> உங்காரம் = உங் என்னும் வண்டின் ஒலி.
உச்சம், உச்சி	முடிவு, எல்லை, நுனி	ஊழம்	ஊழ் (=முதிர், முடி) + அம் = ஊழம் >> ஊசம் >>> உச்சம் = முடிவு, எல்லை, நுனி.
உச்சவம், உற்சவம்	விழா	உய்யவம்	உய் (=நடத்து, அனுபவி, மகிழ், கொண்டாடு) + அவை (=மாந்தக் கூட்டம்) + அம் = உய்யவம் >>> உச்சவம் >>> உற்சவம் = மனிதர்கள் கூடி நடத்திக் கொண்டாடி மகிழ்வது.
உச்சவம், உற்சவம்	வளம், சொத்து, பொருள்	உய்யமம்	உய் (=வாழ், அனுபவி) + அமை (=உண்டாக்கு) + அம் = உய்யமம் >>> உச்சவம் = வாழ்வை அனுபவிக்க உண்டாக்கப்பட்டவை.
உச்சாகம், உற்சாகம்	எழுச்சியுடைய எண்ணம்	உய்யகம்	உய் (=அறி, எண்ணு) + அகை (=உயர், எழு) + அம் = உய்யகம் >>> உச்சாகம் = எண்ணத்தின் எழுச்சி.
உச்சாடனம்	பேயை விரட்டுதல்	உய்யழனம்	உய் (=நீக்கு, விரட்டு) + அழன் (=பேய்) + அம் = உய்யழனம் >>> உச்சசனம் >>> உச்சாடனம் = பேயை விரட்டுதல்
உச்சாடனம்	பேயை ஏவி விடுதல்	உய்யழனம்	உய் (=அனுப்பு, ஏவு) + அழன் (=பேய்) + அம் = உய்யழனம் >>> உச்சசனம் >>> உச்சாடனம் = பேயை ஏவிவிடுதல்
உச்சாணி	மேல் நுனி	உச்சாணி	உச்சம் (=நுனி) + ஆணி (=மேன்மை) = உச்சாணி = மேல் நுனி
உச்சாயம்	உயர்வு, வளர்ச்சி	உச்சாயம்	உச்சம் (=முடிவு) + ஆயம் (=வருமானம், நற்பயன்) = உச்சாயம் = நற்பயனைக் கொண்ட முடிவு = உயர்வு, வளர்ச்சி
உச்சாரணம், உச்சாரணை, உச்சாரம்	எழுத்துக்களைத் தனித்தனியே ஒலித்தல்	உய்யரணம்	(2) உய் (=நீக்கு, தனியாக்கு) + அரி (=எழுத்து, ஒலி) + அணம் = உய்யரணம் >>> உச்சாரணம் = எழுத்துக்களைத் தனியாக்கி ஒலித்தல்.
உச்சரி	தனியாக்கி ஒலி	உச்சரி	(2) உச்சாரணம் (=தனித்தனியே ஒலித்தல்) >>> உச்சரி = தனியாக்கி ஒலி
உச்சிட்டம்	எச்சில், மீதி	உய்யிற்றம்	உய் (=அனுபவி, உண்) + இறை (=தங்கல், மிகுதி) + அம் = உய்யிற்றம் >>> உச்சிட்டம் = உண்டு மிகுதியாகத் தங்கியது.
உச்சிதம், உசிதம்	நல்லமுடிவு	உச்சிதம்	உச்சம் (=முடிவு) + இதம் (=நன்மை) = உச்சிதம் >>> உசிதம் = நன்மையான முடிவு.
உச்சிராயம்	உயர்நிலை	உச்சிறயம்	உச்சம் (=உயரம்) + இறை (=தங்கல், நிலை) + அம் = உச்சிறயம் >>> உச்சிராயம் = உயர்நிலை.
உச்சீவனம்	பிறர்கொடையால் வாழ்தல்	உய்யீவனம்	உய் (=வாழ்) + ஈவு (=கொடை) + அணம் = உய்யீவணம் >>> உச்சீவனம் = கொடையால் வாழ்தல்.
உச்சீவனம்	அழிவிலிருந்து தப்புதல்	உய்யீவனம்	உய் (=தப்பு) + ஈவு (=ஒழிவு, அழிவு) + அணம் = உய்யீவணம் >>> உச்சீவனம் = அழிவில் இருந்து தப்புதல்.
உச்சீவி	பிறரிடம் பெற்று வாழ், ஆபத்தில் இருந்து தப்பு	உச்சீவி	உச்சீவனம் (=பிறர் கொடையால் வாழ்தல், அழிவில் இருந்து தப்புதல்) >>> உச்சீவி = பிறரிடம் பெற்று வாழ், அழிவில் இருந்து தப்பு
உசார், உசா~ர்	கவனமாக இருத்தல்	உயார்	உய் (=தப்பு, அறி) + ஆர் (=மறை, ஏமாற்று) = உயார் >>> உசார் = மறைப்பதை / ஏமாற்றுவதை அறிந்து தப்புதல்.
உசிரம், இசிரம்	மிளகு	இழிரம்	ஈழம் (=தங்கம்) + இருமை (=கருமை) + அம் (=உணவு) = இழிரம் >>> இசிரம் >>> உசிரம் = கருப்புத் தங்கம் என்னும் உணவு
உசூர்	அரசன், தலைவன்	உச்சூர்	உச்சம் (=உயரம்) + ஊர் (=இடம், அமர்) = உச்சூர் >>> உசூர் = உயரமான இடத்தில் அமர்ந்திருப்பவர்.
உஞ்சம்	எஞ்சிய உணவு	உய்யம்	உய் (=தப்பு, எஞ்சு) + அம் (=உணவு) = உய்யம் >>> உச்சம் >>> உஞ்சம் = தப்பிய / எஞ்சிய உணவு.
உஞ்சவிருத்தி	எஞ்சியஉணவைத் திரட்டுதல்	உஞ்சவிருத்தி	உஞ்சம் (=எஞ்சிய உணவு) + விருத்தி (=பெருக்கம்) = உஞ்சவிருத்தி = வயலில் அறுவடைக்குப் பின் எஞ்சும் உணவைப் பெருக்குதல்.
உண்ணம், உச்~ணம்	வெப்பம், எரிச்சல்	உண்ணம்	உண்ணு (=எரி) + அம் = உண்ணம் >>> உச்~ணம் = எரிச்சல், வெப்பம்
உட்டணம்	வெப்பம்	உற்றணம்	உறை (=எரி) + அணம் = உற்றணம் >>> உட்டணம் = எரிச்சல், வெப்பம்
உட்டணி	வெப்பமாகு	உட்டணி	உட்டணம் (=வெப்பம்) >>> உட்டணி = வெப்பமாகு
உட்டாணி	பெரிய மணி	உற்றாணி	உறு (=பெரிய) + ஆணம் (=கல், மணி) + இ = உற்றாணி >>> உட்டாணி = பெரிய மணி
உடசம்	குடிசை	இறசம்	இறை (=இலை, புல், இடம்) + அசை (=தங்கு, கட்டு) + அம் = இறசம் >>> உடசம் = புல்லால் கட்டிய தங்குமிடம்.
உடான்	பொய்ப்புரட்டு	இடான்	இடு (=ஏற்றிச்சொல்) + ஆன் (=நீங்கு, இல்லாகு) = இடான் >>> உடான் = இல்லாததை ஏற்றிச் சொல்லுதல்.
உடு	விண்மீன் கூட்டம்	உற்று	உறை (=உயரம், இடம், எரி, ஒளிர், செறி) + உ = உற்று >>> உட்டு >>> உடு = உயரமான இடத்தில் செறிந்து ஒளிர்வது
உடு	ஆடு	உற்று	ஊறு (=பெருகு, மிகு, கொலை, மாமிசம்) + உ = உற்று >>> உட்டு >>> உடு = மிகுதியான மாமிசத்திற்காகக் கொல்லப்படுவது.
உடு	அம்பு	உற்று	உறை (=நீளம், பொருள், குத்து, செறி) + உ = உற்று >>> உட்டு >>> உடு = குத்திச் செறியும் நீண்ட பொருள்.
உடு	துடுப்பு	உற்று	உறை (=நீர், நீளம், பொருள், செலுத்து, அமுக்கு) + உ = உற்று >>> உட்டு >>> உடு = நீரில் அமுக்கிச் செலுத்தப்படும் நீண்ட பொருள்.
உடுபதம்	ஆகாயம்	உடுபதம்	உடு (=விண்மீன் கூட்டம்) + பதம் (=இடம்) = உடுபதம் = விண்மீன் கூட்டம் இருக்கும் இடம் = ஆகாயம்
உடு, உடுவை	நீர்நிலை	உற்று	உறை (=நீர், தங்கு, நீளம், பெருமை, இடம்) + உ = உற்று >>> உட்டு >>> உடு = நீர் தங்கியிருக்கும் நீண்ட பெரிய இடம் = நீர்நிலை, குளம், அகழி போன்றன.
உண்டியல்	பணம் இடும் உயரமான கூடு	உற்றீயள்	உறை (=பொருள், பணம், உயரம், கூடு) + ஈ (=இடு) + அள் (=பூட்டு) = உற்றீயள் >>> உட்டியல் >>> உண்டியல் = பொருள் / பணம் இடப்படும் பூட்டப்பட்ட உயரமான கூடு.
உண்டை	கவளம், உருண்டை	உற்றை	உறை (=பெருமை, உணவு, அமுக்கு, செறி) + ஐ = உற்றை >>> உட்டை >>> உண்டை = பெரிதாக அமுக்கிச் செறிவூட்டிய உணவு.
உத்கடம்	மிக உறுதி	உறுகடம்	உறு (=மிகுதி) + கடுமை (=வலிமை, உறுதி) + அம் = உறுகடம் >>> உற்கடம் >>> உத்கடம் = மிக்க உறுதி.
உத்கிரமணம்	மரணத்தின் கடைசி மூச்சு	உக்கிறமனம்	உகு (=வெளிப்படு) + இற (=முடி) + மன் (=உயிர், மூச்சு) + அம் = உக்கிறமனம் >>> உத்கிரமணம் = இறுதியாக மூச்சு வெளியேறுதல்
உத்தண்டம்	இறுமாப்பு, கடுங்கோபம்	உய்த்தண்டம்	உய் (=செலுத்து) + தண்டு (=சின) + அம் = உய்த்தண்டம் >>> உத்தண்டம் = சினத்தைச் செலுத்துதல்
உத்தமம்	மேலானது, சிறப்பானது	உந்தமம்	உந்து (=உயர்) + அமை (=பொருந்து) + அம் = உந்தமம் >>> உத்தமம் = உயர்வு பொருந்தியது = மேலானது
உத்தரணி	சிறிய கரண்டி	உய்த்தாராணி	உய் (=நுகர், முக) + தாரை (=நீர்) + ஆணம் (=சிறுமை, கலம்) + இ = உய்த்தாராணி >>> உத்தரணி = நீரை முகக்கும் சிறிய கலம்.
உத்தரம், உத்தாரம்	பதில், எதிர்வாதம்	உந்தாரம்	உந்து (=வெளிப்படு) + ஆர் (=எதிர், ஒலி, சொல்) + அம் = உந்தாரம் >>> உத்தரம் = எதிராக வெளிப்படும் சொல்.
உத்தரம், உத்தாரம்	கட்டளை	உந்தாரம்	உந்து (=செலுத்து, ஏவு) + ஆர் (=ஒலி, சொல்) + அம் = உந்தாரம் >>> உத்தாரம் >>> உத்தரம் = ஏவுகின்ற சொல்
உத்தரம்	பின் நிகழ்வது, எதிர்காலம்	உந்தாரம்	உந்து (=வெளிப்படு, நிகழ்) + ஆர் (=எதிர்) + அம் = உந்தாரம் >>> உத்தரம் = எதிராக நிகழ்வது = பின் நிகழ்வது, எதிர்காலம்
உத்தரம்	மேலானது	உந்தாரம்	உந்து (=உயர்) + ஆர் (=பொருந்து) + அம் = உந்தாரம் >>> உத்தரம் = உயர்வு பொருந்தியது = மேலானது
உத்தரம்	விட்டம், பொறுப்பது	உந்தாரம்	உந்து (=உயர்) + ஆர் (=பொருந்து, கட்டு, தண்டு, பரவு, நீளு) + அம் = உந்தாரம் >>> உத்தரம் = உயரத்தில் பொருந்துமாறு கட்டிய நீண்டதண்டு.
உத்தரம்	வடக்கு	உந்தாரம்	உந்து (=உயர், பெருகு) + ஆர் (=பூமி, இடம்) + அம் = உந்தாரம் >>> உத்தரம் = உயர்ந்து பெருத்த இடம் = மலை >>> மலை அமைந்த திசை = வடக்கு. ஒ.நோ: தாழ் (=பள்ளமாகு) + ஈன் (=இடம்) + அம் = தாழீனம் >>> தசீனம் >>> தச்சினம் >>> தக்சி~ணம் = பள்ளமான இடம் = கடல் >>> கடல் இருக்கும் திசை = தெற்கு.
உத்தரம்	ஊழித்தீ	உழ்த்தெறம்	ஊழ் (=முடிவு, அழி) + தெறு (=சுடு, எரி) + அம் = உழ்த்தெறம் >>> உத்தரம் = முடிவில் எரித்து அழிப்பது.
உத்தரவாதம்	பின் நிகழ்வுக்குப் பொறுப்பேற்றல்	உத்தரவாதம்	உத்தரம் (=பின் நிகழ்வது, பொறுப்பது) + வாதம் (=சொல்) = உத்தரவாதம் = பின் நிகழ்வதற்குப் பொறுப்பேற்றுக் கூறுவது
உத்தரவு	கட்டளை, ஏவல்	உய்த்தரவு	உய் (=செலுத்து, ஏவு) + தரவு (=தருகை, செய்கை) = உய்த்தரவு >>> உத்தரவு = தரும்படி / செய்யும்படி ஏவுதல்
உத்தரி	பதில்கூறு	உத்தரி	உத்தரம் (=பதில்) >>> உத்தரி = பதிலளி
உத்தரி	பொறு, சகி	உத்தரி	உத்தரம் (=பொறுப்பது) >>> உத்தரி = பொறு
உத்தரி	எதிர்த்து நில்	உத்தாரி	உதி (=தோன்று) + ஆர் (=எதிர்) + இ = உத்தாரி >>> உத்தரி = எதிரே தோன்று = எதிர்த்து நில்.
உத்தரி	உயர்த்தி நிறுவு, தூக்கு	உந்தறி	உந்து (=உயர்) + அறி (=நிச்சயி, நிறுவு) = உந்தறி >>> உத்தரி = உயரத்தில் நிறுவு = தூக்கு, தூக்கி நிறுத்து
உத்தரி	குதிரை	உந்தாரி	உந்து (=உயர், செலுத்து) + ஆர் (=பரவு, விரை, பொருந்து, அமர்) + இ = உந்தாரி >>> உத்தரி = உயரே அமர்ந்து விரைவாகச் செலுத்தப்படுவது = குதிரை.
உத்தரி	துன்புறு, வருந்து	உற்றாரி	ஊறு (=துன்பம்) + ஆர் (=அனுபவி) + இ = உற்றாரி >>> உத்தரி = துன்பம் அனுபவி
உத்தரிப்பு	துன்புறுகை	உத்தரிப்பு	உத்தரி (=துன்புறு) + பு = உத்தரிப்பு = துன்புறுதல்
உத்தரிப்பு	உயர்த்துகை	உத்தரிப்பு	உத்தரி (=உயர்த்து) + பு = உத்தரிப்பு = உயர்த்துகை, தூக்குகை
உத்தரீயம், உத்தரியம்	மேலாடை	உத்தரீழம்	ஊ (=உயரம், மேல்) + தரி (=அணி) + இழை (=ஆடை) + அம் = உத்தரீழம் >>> உத்தரீயம் >>> உத்தரியம் = மேலே அணியும் ஆடை
உத்தளம்	பத்தியால் பொடி பூசுதல்	இற்றளம்	இறை (=கடவுள், பொடி) + அளி (=அன்பு, பத்தி, பூசு) + அம் = இற்றளம் >>> உத்தளம் = கடவுள் பத்திக்காகப் பொடியைப் பூசுதல்
உத்தளம்	பறை	உத்தலம்	ஊது (=ஒலி) + அலை (=அடி) + அம் = உத்தலம் >>> உத்தளம் = அடித்து ஒலிக்கப்படுவது = பறை.
உத்தாபனம்	வீட்டில் பிறந்த குழந்தையை வெளிக்கொண்டு வரும் சடங்கு	உத்தாவாணம்	உத்து (=வெளிப்படுத்து) + ஆ (=உயிர், தோன்று, பிற) + ஆணம் (=வீடு) = உத்தாவாணம் >>> உத்தாபனம் = பிறந்த உயிரை வீட்டில் இருந்து வெளிப்படுத்துதல் = வீட்டில் பிறந்த குழந்தையை வீட்டை விட்டு வெளிக் கொணர்வதற்கான சடங்கு.
உத்தாபி	கடிந்துகூறு	உதப்பு	உதப்பு (=கடிந்துகூறு) + இ >>> உதப்பி >>> உத்தாபி
தக்கிணம், தக்சி~ணம்	தெற்கு	தழீனம்	தாழ் (=பள்ளமாகு) + ஈன் (=இடம்) + அம் = தழீனம் >>> தசீனம் >>> தச்சினம் >>> தக்சி~ணம் = பள்ளமான இடம் = கடல் >>> கடல் இருக்கும் திசை = தெற்கு
இட்டம், இச்~டம்	சம்மதம், விருப்பம், ஆசை	இட்டம்	ஈடு (=ஒப்பு, கருத்து) + அம் = இட்டம் >>> இச்~டம் = ஒப்புதல் கருத்து = சம்மதம், விருப்பம். (2) ஈடு (=அன்பு, ஆசை) + அம் = இட்டம் >>> இச்~டம் = ஆசை, விருப்பம்.
அன்னியன், அந்நியன்	பழக்கம் அற்றவன்	அன்னியன்	(2) அன்மை (=இன்மை) + இயை (=பொருந்து, பழகு) + அன் = அன்னியன் >>> அந்நியன் = பழக்கம் இல்லாதவன்